قواعد سواقة العجل 🚲 وايه اللي ممكن يحصل لو خالفناها 💷 ؟
- Rahma Mahdy Agha
- Feb 28, 2021
- 5 min read
Updated: Aug 11, 2023
قواعد سواقة العجل 🚲 وايه اللي ممكن يحصل لو خالفناها 💷 ؟
- أول حاجة لو هتسوق في الفترة بين الغروب ل الشروق YOU MUST لازم لازم تركب نور أبيض قدام ونور وعاكس (reflector) أحمر ورا وعاكس أصفر ع البدال اتنين على كل بدال قدام و ورا.
النور الأبيض اللي قدام ممكن يبقى flashing بس الأفضل لو هتسوق في شوارع مفيهاش عواميد نور يبقى steady.
Rear red light and reflector
- ممكن طبعاً تستخدم الطرق الخاصة بالعجل زي ال Cycle Lanes اللي هي بتبقى متحدده بخط أبيض على شمال الطريق.
وفي ال advanced stop lines & cycle boxes اللي بتبقى في الاشارات عشان العجل يقف كله قدام العربيات ممكن تستخدمها بس لازم ماتعديش الخط الأبيض اللي قدام لأن لو عديته والاشارة حمرا دي قانونياً تعتبر offence.
Advanced stop lines & cycle boxes
- وممكن تستخدم ال toucan crossings اللي هي اشارة المشاة اللي بيبقى فيها علامة عجل بتبقى للعجل والمشاة مع بعض وطبعاً تدوس الزرار وتستنى لما علامة العجل تبقى خضرا عشان تعدي.
Toucan crossing الوحيدة اللي ممكن تعديها راكب العجلة
- كل الطرق الخاصة بالعجل دي مش اجباري إنك تستخدم أي حاجة منهم ده بيعتمد على خبرتك ومهاراتك في السواقة لكن طبعاً هيبقى أأمن ليك لو استخدمتهم.
- في كمان Cycle Tracks دي بتبقى مخصصة للسباقات أو ال training وغالباً بتبقى بعيد عن طرق العربيات. وأحياناً بتبقى جنب الرصيف أو ال footpaths بتاع المشاة. لما يبقى تراك العجل مفصول عن المشاة لازم تلتزم بالجزء المخصص للعجل بس لأن جزء المشاة ده يعتبر رصيف.
Segregated Cycle and Pedestrians Tracks
جزء المشاة ممنوع تسوق فيه العجلة (غرامة 💷)
--- ممنوع منعاً باتاً تسوق عجلة على الرصيف.
You MUST NOT cycle on a pavement.
- في crossings تانيه مينفعش تعدي منها زي ال Equestrian crossings دي خاصة بالخيل فقط.
Equestrian Crossing
أحياناً بيسموها
Pegasus Crossing
(على اسم الخيل المجنح الأسطوري pegasus )
وأحياناً بيبقى في مكانين للزرار واحد عالي عشان لو راكب الحصان و واحد منخفض شويه عشان لو ماشي وساحب الحصان جنبه.
- وكمان ال pelican, puffin or zebra crossing كلهم خاصين بالمشاة فقط لو عايز تعدي منهم لازم تنزل من ع العجلة وتسحبها.
Puffin Crossing
بتضغط على الزرار وتنتظر لما علامة المشاة تبقى خضرا تعدي. وبيبقى فيها sensor عشان تعرف لو حد لسه بيعدي الطريق. زي ما قولنا مش مسموح تعدي راكب العجلة.
Pelican Crossing
برضه بتضغط الزرار وتنتظر لما علامة المشاة تبقى خضرا تعدي. الفرق بينها وبين ال puffin ان بعد ما الاشارة تبقى خضرا بشويه هتلاقيها بقت flashing بتنور وتطفي العلامة الخضرا دي. لما تكون بتنور وتطفي المفروض ما تبدأش تعدي خلاص ، لو لسه ع الرصيف ما تعديش ، لكن لو ف نص الطريق كمل طبعاً. في نفس الوقت اللي بيبقى المشاة شايفين اشارتهم flashing green العربيات بتبقى اشارتهم flashing amber الصفرا بتنور وتطفي برضه ف لو في حد بيعدي لسه ينتظروه يخلص لكن لو مفيش حد بيعدي ممكن يتحركوا عادي. وبرضه مش مسموح تعدي راكب العجلة.
Zebra Crossing
بتبقى خطوط بيضا ع الأرض عشان كده سموها زيبرا وع الرصيف بيبقى في beacons منارة صفرا مدوره كده ع الناحيتين أول ما المشاة يقفوا قدامها المفروض العربيات تقف ويعدوا. وبرضه مش مسموح تعدي راكب العجلة.
Cycle-only crossings
دي بتبقى واصله بين cycle tracks على يمين وشمال الطريق بيبقى فيها اشارة زي بتاع العربيات بالظبط بس بيبقى فيها علامة عجلة لما تنور أخضر تقدر تعدي. لو عديت وإشارتك مش خضرا دي قانونياً تعتبر offence.
Level crossings/Tramways
ده اللي بيقطع طريق القطر أو الترام.
غالباً هتلاقي sign مكتوب عليها ‘cyclists dismount’
معناها تنزل من ع العجلة وتمشي وتسحبها جنبك.
الناس اللي هتدخل امتحان السواقة برضه لازم تكون عارفه الفرق بين ال crossings كلها لأن أحياناً بيجي فيها أسئلة ف امتحان النظري.
على فكرة puffin, pelican, toucan دي كلها أسامي طيور 🦜 بس في سبب لاختيار الأسامي دي تحديداً
* Pelican
اختصار ل "pedestrian light controlled crossing"
* Puffin
مشتقة من جملة "pedestrian user-friendly intelligent" ذكية عشان فيها sensor
* Toucan
جاية من جملة two can المشاة والعجل يعني الاتنين بيعدوا منها.
- طريق الأتوبيس غالباً بيبقى مسموح للعجل يمشي فيه وغالباً بيبقى في علامات بتوضح مين اللي مسموحله يستخدم ال bus lane . لما تكون ماشي فيه وفي اتوبيس واقف ماتحاولش تعدي بين الاتوبيس والرصيف عدي من الجهة التانية.
- لو انتو مجموعة راكبين عجل مع بعض ماينفعش أكتر من اتنين يمشوا جنب بعض يعني تبقوا اتنين وراهم اتنين وراهم اتنين وهكذا. ولو طريق زحمة أو ضيق أو ملتوي تمشوا واحد ورا واحد.
- ممنوع تركب حد معاك ع العجلة إلا إذا كانت العجلة معموله ل كده أو ركبتلها كرسي أطفال مثلاً ولازم تسأل قبل ما تشتريها هتستحمل تركب عليها كرسي أطفال أو أي ملحقات ولا لأ. لو خالفت القاعدة دي تعتبر offence برضه.
- لو عايز تدخل شارع ع اليمين أول حاجة بص حواليك كويس عشان تتأكد إن الطريق أمان بعدين هتدي اشارة بايدك وتتحرك لنص الطريق بعدين تدخل يمين لما يبقى في مسافة تعدي من العربيات اللي جايه ف الاتجاه المعاكس. وممكن لو حد مبتدئ وهو ع الشمال لسه ينزل خالص من ع العجلة ويسحبها لحد ما يعدي الطريق عادي مش عيب.
- ال roundabout الدوار أو الميدان الأأمن إنك تنزل وتمشي بالعجلة ع الرصيف. لو هتعديه سايق العجلة تفضل ع الشمال وتاخد بالك إن العربيات ممكن ماتقدرش تشوفك بسهولة. ولما تعدي من جنب أي مخرج مش هتخرج منه تشاور بايدك يمين عشان العربيات تعرف إنك مكمل ف الدوار مش خارج من المخرج ده. ولو في مقطوره طويله ماشيه جنبك خلي بالك إنهم بيحتاجوا يلفوا بزاوية واسعة أوي ف ما تفترضش إنهم بيدوك مساحة مثلاً ف تعدي من المساحة دي لا هم بيوسعوا لنفسهم.
- لازم الفرامل الاتنين يكونوا شغالين كويس ع العجلتين اللي قدام و اللي ورا لو ماشي بفرامل بايظه دي تعتبر offence برضه.
You MUST NOT ممنوع تمسك ف أي عربية أو مقطورة ماشية بتتحرك.
- لو ماشي ف dual carriageway تاخد بالك إن السرعة المسموحة للعربيات أعلى ف العربيات هتبقى أسرع من ال single carriageway.
اللبس:
- يستحسن تلبس خوذة تكون مقاسك ومربوطة كويس.
- تجنب اللبس الواسع اللي ممكن يدخل ف الجنزير أو سلوك العجلة أو يغطي ع النور.
- يستحسن تلبس ألوان فاتحه أو فسفوريه خصوصاً في الضلمة.
- لازم تشاور ب ايدك قبل ما تدخل يمين أو شمال وتبص حواليك كويس.
المفروض تاخد بالك من أي حفر أو حاجة ف الطريق قدامك عشان ما تضطرش تحود فجأة عشان تتفاداها.
- ما تشيلش حاجة ع العجل ممكن تأثر على توازنك أو تدخل ف سلوك العجلة أو الجنزير.
- يستحسن تركب جرس.
لازم تبقى عارف معنى اشارات العربيات برضه لما العربية أو الموتوسيكل يدوا اشارة صفرا يمين يبقى داخلين يمين لو اشارة صفرا شمال يبقى داخلين شمال لو النور اللي ورا أحمر قوي يبقى ضرب فرامل ، لو نور أبيض ورا يبقى بيرجع للخلف.
ممكن كمان يدي اشارة ب ايده لو داخل يمين هيشاور ب ايده يمين. لو داخل شمال موتوسيكل هيشاور ب ايده شمال لكن لو عربية هيعمل دايره ب ايده. لو هيهدي سرعته أو هيقف هيحرك ايده فوق وتحت.
- دي تقريباً أهم القواعد اللي لازم تبقوا عارفينها. تقدروا تقرأوا القواعد والإرشادات كلها من على موقع الحكومة من اللينك ده
خلوا بالكم إن في فرق بين القواعد و القانون.
لما تلاقي ف القواعد دي كلمة 'must' or 'must not' معناه إن ده مطلب قانوني وعدم الإلتزام بيه يعتبر جريمة جنائية. لكن لما تلاقي مصطلحات ارشادية زي 'should/should not', or 'do/do not' ده مايعتبرش متطلب قانوني.
طيب هيحصل ايه لو خالفنا القوانين دي ؟
أولاً القوانين دي موجودة عشان سلامتك أولاً ف المفروض تلتزم بيها عشان ما تأذيش نفسك ولا أي حد ماشي جنبك.
ثانياً لو عملت مخالفة offence والبوليس شافك و وقفك هيدفعك غرامة.
مثلاً لو عديت أي اشارة حمرا المفروض تقف فيها أو لو سقت العجلة ع الرصيف البوليس ممكن يدفعك غرامة حوالي ٣٠ ل ٥٠ باوند fixed penalty notice fine.
لو بوليس وقف شخص راكب عجلة وشاكك إنه شارب أو متعاطي أي مخدرات ومش قادر يتحكم ف العجلة كويس ممكن يغرمه لحد ألف باوند.
في كمان مخالفات ال unsafe cycling زي ال careless cycling و dangerous cycling
والمخالفات دي بترجع لتقدير البوليس برضه لو شايف إنك بتسوق careless بدون اعتبار لباقي مستخدمي الطريق ممكن يغرمك لحد ألف باوند.
ولو dangerous ممكن غرامة لحد ألفين ونص باوند.
في كمان offence لو سببت injury بسبب سواقة العجلة بطريقة furious أو عملت damage لأي property ممكن تعرضك للسجن.
القوانين دي قابله للتغيير أو التعديل في المستقبل طبعاً.
ان شاء الله في بوست تاني هقولكم أنواع العجل ومميزات وعيوب كل نوع.
Comentarios