أرقام ومواقع تهمك 📱

Rahma Mahdy Agha
Jan 18, 2021
6 min read

⬅️ أرقام ومواقع تهمك ➡️

999

رقم الطوارئ شامل البوليس والإسعاف والمطافي.

مش بس دول كمان ممكن تطلب Coast guard, lifeboat, mountain rescue, cliff rescue, lowland rescue, cave rescue, moorland search and rescue, quicksand search and rescue, mine rescue, bomb disposal, etc من نفس الرقم أول مايردوا تقولهم عايز البوليس وهم هيوصلوك بالخدمة اللي محتاجها.

وعشان تتصل بالرقم ده لازم يكون في حاجة طارئة جداً ومحتاج حد يجي فوراً ينقذك أو ينقذ الشخص اللي ف خطر مثلاً حد مصاب جداً لدرجة إن حياته في خطر أو في حريق أو في جريمة بتحصل حالاً سرقة مثلاً.

المكالمات للرقم ده ببلاش وممكن تتصل بيه حتى لو شاشة الموبيل مقفولة locked mobile phone حتى لو مفيش رصيد حتى لو شايل الشريحة خالص لأن حتى لو الموبيل مفيهوش شبكة هيدور على أي شبكة قريبة منك ويعمل المكالمة.

الحالات الطبية اللي هتحتاج تكلم فيها الطوارئ ٩٩٩ هتلاقيها ف اللينك ده

https://www.nhs.uk/nhs-services/urgent-and-emergency-care-services/when-to-call-999/ ‏

- لو حد عنده إعاقة في التحدث أو السمع ممكن يشترك في خدمة رسايل الطوارئ emergencySMS service يعني بدل ما يتصل يبعت رسالة وعشان يشترك يبعت رسالة ل رقم ٩٩٩ يكتب فيها “register” ويكمل مع التعليمات (بدون اشتراك ماتقدرش تستخدم الخدمة دي).

- في كمان خدمة طوارئ صامته يعني لو حد في ظروف معينة ومحتاج يتصل بالطوارئ ومش هيقدر يتكلم بصوته لأن ده هيعرضه لخطر مثلاً ممكن يتصل ب ٩٩٩ ويفضل ساكت بعدين اللي رد عليه هيطلب منه يعمل أي صوت يكح مثلاً أو يخبط ع الميك لو فضل ساكت برضه هيقوله اضغط ٥٥ لو ماضغطش الرقم ده الخط هيقفل وهتعتبر مكالمة عبثية مش حالة طوارئ. لو ضغط ٥٥ المكالمة هتتحول للبوليس وهيحاولوا يعرفوا مكانك ويوصلولك.

‎112

رقم الطوارئ العالمي

في حوالي ١٢٧ دولة بتستخدم نفس الرقم ده للطوارئ منهم دول الاتحاد الأوروبي. في بريطانيا ده زي ٩٩٩ بالظبط وبيحولك لنفس الكول سنتر وممكن تطلبه من خط أرضي. الميزة فيه بس انه بيشتغل ف دول كتير ف حتى لو مسافر بره انجلترا تقدر تستخدمه. وكمان بيقدم خدمة ترجمة ف أي دولة ف الاتحاد الأوروبي.

والمكالمات مجانية برضه وممكن تطلبه من الموبيل حتى لو شاشته مقفولة.

111

خدمة ال NHS

الرقم ده للحالات المستعجلة urgent بس مش طوارئ اوي not emergency. يعني مفيش حد حياته في خطر لأن ساعتها هتتصل بأول رقم خالص اللي هو ٩٩٩. الرقم ده بقى اللي هو ١١١ بتتصل بيه لما تكون مش عارف تعمل ايه، بيوصلك بشخص متخصص ممكن يديك نصيحة طبية أو يوصلك ب ممرضة أو دكتور أسنان أو جي بي أو ممكن يحجزلك ميعاد في أقرب قسم طوارئ ليك لو حالتك مستدعيه كشف، ممكن كمان يبعتلك اسعاف لو محتاجها.

ممكن كمان لو مش بتتكلم انجلش كويس يوفرولك ترجمة، لما تكلمهم قولهم أنا عايز Interpreter أو عايز أستخدم الخدمة دي ب لغة تانية وهم هيتصرفوا.

المكالمات للرقم ده ببلاش برضه.

101

ده رقم البوليس برضه بس مش طوارئ

ممكن تتصل بيه لما يكون الموقف مش مستدعي إن البوليس يوصل حالاً. أو بمعنى أصح مفيش جريمة بتحصل دلوقتي. مثلاً لو عربية اتسرقت لا قدر الله أو حد اقتحم بيت بس مشي خلاص. يعني الجريمة تمت وانتهى الأمر. كمان ممكن تستخدمه للمعلومات والاستفسارات؛ لو عايز تسأل البوليس على حاجة أو عندك معلومة عايزهم يعرفوها بخصوص جريمة مثلاً.

المكالمات للرقم ده قبل كده كانت بفلوس بس حالياً ببلاش.

- لو حد عنده صعوبة في السمع ممكن برضه يستخدم خدمة الرسايل للحالات اللي مش طارئة على الرقم ده 18001101.

ممكن بدل ما تتصل تبلغ عن الجريمة أونلاين ع الموقع ده

https://www.police.uk/pu/contact-the-police/

لو منطقتك مفيهاش الخدمة دي أونلاين ممكن تتصل بمركز البوليس اللي ف منطقتك أو تروحلهم عشان تبلغ.

في أرقام مختصة بجرائم معينة زي:

- الاحتيال أو الجرائم الإلكترونية

0300 123 2040 or online https://www.actionfraud.police.uk/

- جرائم المواصلات زي القطار أو مترو الأنفاق

0800 40 50 40 or online https://www.btp.police.uk/reportcrime/default.aspx?AspxAutoDetectCookieSupport=1

- جرائم الكراهية ممكن تبلغ عنها ع الموقع ده

online https://www.met.police.uk/true-vision-report-hate-crime/

- خط مكافحة الإرهاب

0800 789 321

‎في كمان موقع للتبليغ عن أي محتوى أونلاين بيحرض على الإرهاب أو التطرف

online tool https://www.gov.uk/report-terrorism

- لو عايز تعمل بلاغ من مجهول

0800 555 111 or online https://crimestoppers-uk.org/

‏‎- لو باسبورك أو رخصة السواقة بتاعتك ضاعت أو اتسرقت ممكن تكنسلهم أونلاين من المواقع دي

passport https://www.gov.uk/report-a-lost-or-stolen-passport

driving license https://www.gov.uk/apply-online-to-replace-a-driving-licence

‏‎- لو كارت البنك ضاع او اتسرق ممكن تكنسله أونلاين من أبلكيشن البنك و ده طبعاً أسهل وأسرع وممكن برضه تكلمهم تكنسله بالتليفون.

————————————————————————

Gas Emergency 0800 111 999

الرقم ده مجاني برضه لأي حد يشم ريحة غاز أو عنده أي طوارئ غاز. اللي بيرد ع الرقم ده بيسأل المتصل أسئلة تعرفه مدى خطورة الوضع قبل ما يديله أي نصايح أو يبعتله حد يساعده لو محتاج ده.

Power cut 0800 31 63 105

الرقم ده للتبليغ عن انقطاع الكهرباء وممكن تبلغ من الموقع برضه

online https://www.ukpowernetworks.co.uk/power-cut/report-power-cut

Floodline 0345 988 1188

الرقم ده للتبليغ عن فيض المياه وممكن تبلغ أونلاين برضه

report a flood online https://www.gov.uk/report-flood-cause

لكن لو في تسريب مياه بسيط عندك ف البيت تكلم الشركة بتاعتك.

————————————————————————

ممكن تبلغ عن أي حيوان ميت أو مصاب من الموقع ده

https://www.gov.uk/report-dead-animal

سواء خبطه بعربيتك أو لقيته ميت لوحده.

PDSA advice https://www.pdsa.org.uk/taking-care-of-your-pet/looking-after-your-pet/all-pets/missing-pets

الموقع ده بيقدم نصايح تعمل ايه لو حيوانك الأليف ضاع.

————————————————————————

National Domestic Abuse Helpline 0808 2000 247

خط المساعدة الوطني للعنف المنزلي مجاني وشغال ٢٤ ساعة وفي كمان شات أونلاين https://www.nationaldahelpline.org.uk/

Shelter

‎ده موقع جمعية خيرية بتقدم خدمات و دعم للناس اللي معندهاش سكن وبيدوا نصايح كتير زي مثلاً ازاي تطلب سكن من الكونسيل هتلاقوها ع الموقع بتاعهم

https://england.shelter.org.uk/housing_advice/homelessness

Citizens Advice

https://www.citizensadvice.org.uk/

موقع خدمة المواطنين عليه معلومات مفيدة جداً ف مواضيع كتير منها مثلاً ال benefits أنواعها ومين من حقه ياخدها. ومعلومات عن الشغل لو اتعرضت لعنصرية مثلاً ف شغلك أو لإصابة عمل بيعرفك حقوقك يعني من الآخر . وكمان في على نفس الموقع لينكات مواقع تانية لمساعدة السيدات واللاجئين وغيره. الموقع ده عايز بوست لوحده أصلاً!

————————————————————————

الصحة العقلية والنفسية

‏Urgent Mental Health Helpline

‏ https://www.nhs.uk/service-search/mental-health/find-an-urgent-mental-health-helpline

الموقع دا لو في حالة مستعجلة خاصة بالصحة العقلية شغال ٢٤ ساعة لكل الأعمار سواء ليك أو أولادك أو أحد والديك أو أي حد بتعتني بيه بتدخل ع اللينك ده وتجاوب ع الأسئلة وبيحولك لمتخصص لو محتاج.

طبعاً لو الحالة خطيرة ومحتاجة طوارئ كلم ٩٩٩ .

Samaritans 116 123

لو محتاج تتكلم عن صحتك العقلية مع حد ممكن تكلم الرقم ده شغال ٢٤ ساعة بيقدم خدمة آمنه عشان تتكلم بأسلوبك ف أي وقت تحبه وبيسمعوك في سرية تامة. مؤسس الخدمة دي كان كل هدفه إنه يساعد الناس اللي في محنة أو مضغوطة نفسياً ومعندهاش أي مكان تروحله. في حوالي أكتر من ٢٠ ألف متطوع متدرب في Samaritans. والمكالمات اللي بتتعمل للرقم ده مجانية وما بتظهرش ف فاتورة التليفون.

ممكن كمان تبعتلهم ع الايميل jo@samaritans.org

ده الموقع بتاعهم https://www.samaritans.org/

‏

Mind : mental health charity

دي جمعية خيرية للصحة العقلية اسمها Mind

بتقدم خدمات كتير زي التعامل مع الأزمات وعندهم helplines برضه تقدروا تتواصلوا معاهم من الموقع بتاعهم

https://www.mind.org.uk/need-urgent-help/using-this-tool/

‏

Shout : Crisis Text Line 85258

دي خدمة رسائل مجانية وسرية شغالة ٢٤ ساعة لأي حد بيعاني من أي أزمة في أي وقت و أي مكان بتبعتلهم رسالة ع الرقم ده 85258 عشان تتكلم مع متطوع متدرب.

https://giveusashout.org/

‏

Anxiety UK 03444 775 774

دي جمعية قومية بتساعد الناس اللي بتعاني من القلق المرضي. مواعيد الاتصال ومعلومات أكتر هتلاقوها ع الموقع بتاعهم. https://www.anxietyuk.org.uk/

Cruse Bereavement Care 0808 808 1677

دي جمعية بتقدم دعم للناس اللي توفى شخص عزيز عليهم. في كمان شات ع الموقع بتاعهم https://www.cruse.org.uk/

(CALM) The Campaign Against Living Miserably 0800585858

دول بيحاربوا الانتحار وفي web-chat ع الموقع بتاعهم https://www.thecalmzone.net/

Macmillan - Cancer Support 08088080000

دي جمعية خيرية لدعم المصابين بالسرطان https://www.macmillan.org.uk/

The Silver Line 0800 4 70 80 90

ده helpline لكبار السن مجاني وشغال ٢٤ ساعة لأي حد كبير في السن حاسس بوحده أو عزلة. https://www.thesilverline.org.uk/

Childline 0800 1111

ده لأي طفل أقل من ١٩ سنة ، بيقدم خدمة استشارة سرية وخاصة للأطفال اللي بيعانوا من ضغوط نفسية بيحاولوا يفهموهم من غير ما يحكموا عليهم وبيدوهم وقت يتكلموا براحتهم.

المكالمات للرقم ده ببلاش وبرضه ما بتظهرش ف فاتورة التليفون.

Family Lives 08088002222

الخط ده لمساعدة الآباء والأمهات في تربية أبنائهم لو عايز تسألهم عن أي حاجة في الموضوع ده كمان بيدوا relationship advice وفي ع الموقع بتاعهم منتديات أونلاين ممكن تتواصل مع آباء وأمهات آخرين. https://www.familylives.org.uk/

————————————————————————

الإدمان

‏Frank drugs helpline 0300 123 6600

لو حد عنده مشكلة مع التعاطي سواء أدوية أو كحوليات ومش عايز يتكلم مع ال GP بتاعه ممكن يكلم Frank helpline ع الرقم ده أو ممكن يستخدم خدمات الاستشارة والعلاج على الموقع بتاعهم

https://www.talktofrank.com/get-help/find-support-near-you

Drinkline 0300 123 1110

ده كمان رقم سري ممكن تستخدمه لو محتاج مساعدة بخصوص ادمان الكحوليات سواء ليك أو لحد تعرفه. المكالمات مجانية في أيام الأسبوع من ٩ص ل ٨م والويك اند من ١١ص ل ٤م.

Al-Anon Family Groups 0800 0086 811

ده ال helpline بتاع الأنون بيقدموا دعم للناس اللي تأثروا بحد مدمن كحوليات بس هم نفسهم مش مدمنين. لأسر وأصدقاء المدمنين يعني سواء هم لسه مدمنين أو متعافيين.

https://www.al-anonuk.org.uk/

Alateen 020 7593 2070

الأتيين دي جزء من الأنون بينظموا اجتماعات خاصة بالمراهقين اللي أعمارهم بين ١٢ - ١٧ سنة اللي تأثروا برضه بحد مدمن كحوليات غالباً بيكون أحد والديهم.

https://www.al-anonuk.org.uk/alateen/

دي مواقع برضه للمساعدة على آثار الإدمان بتقدم خدمات مختلفة تقدروا تعرفوها من المواقع بتاعتهم

- National Association for Children of Alcoholics (Nacoa) 0800 358 3456 https://nacoa.org.uk/

- We Are With You https://www.wearewithyou.org.uk/

- SMART Recovery https://smartrecovery.org.uk/

- Adfam https://adfam.org.uk/

- Alcoholics Anonymous https://www.alcoholics-anonymous.org.uk/

- Gamblers Anonymous https://www.gamblersanonymous.org.uk/

- Narcotics Anonymous https://ukna.org/