How to prove your knowledge of English for citizenship and settling 🇬🇧
- Rahma Mahdy Agha
- May 6, 2023
- 3 min read
Updated: Apr 19, 2024
ازاي تثبت معرفتك باللغة الانجليزية عند التقديم على الإقامة الدائمة أو الجنسية ؟
في ٣ طرق:
1️⃣ أول طريقة لو معاك أي شهادة من انجلترا ممكن تقدمها سواء جامعة أو ماچستير أو دكتوراه أو شهادة الزمالة البريطانية مثلاً.
2️⃣ تاني طريقة لو مش معاك شهادة من انجلترا بس دراستك في الجامعة في أي بلد تاني كانت بالانجلش ممكن تعادلها من موقع ناريك غيّروا اسمه دلوقتي بقى Ecctis
ده اللينك Visas and Nationality Services
هتختار نوع السيرڤس
Visas and Nationality (English proficiency)
الرسوم 180£
وممكن تضيفوا خدمة E-Statement عشان يتبعتلكم شهادة المعادلة دي ع الايميل مش ورق بس
غالباً خلال ١٠ أيام بيردوا عليكم و لو مشتركين ف خدمة ال E-Statement بيبعتوها على طول ع الايميل وبعدين يبعتولكم الورقة نفسها فالبريد.
بيحتاجوا:
١- شهادة التخرج (النهائية مش المؤقتة) وترجمتها
٢- بيان درجات وترجمته
٣- آخر حاجة Medium of instruction Letter دي ورقه بتثبت إن الدراسة كانت باللغة الانجليزية
ال letter ده مالوش صيغة محددة هنزلكم sample ف آخر البوست ممكن تضيفوا بياناتكم وتطبعوها على طول.
بتحتاج تمضي ال letter ده من العميد مثلاً أو أي حد في إدارة الكلية مش لازم تروح بنفسك ممكن تبعته لأي حد يطبعه ويمضيهولك ويسحبه scan ويبعتلك صورته تعملها upload ع الموقع مش هتحتاج الأصل بس احتفظ بيه احتياطي.
▪️في أبلكيشن ال ILR أو الجنسية بتقدم الشهادات اللي بتبعتهالك ال Ecctis مع الشهادة الأصلية وترجمتها.
3️⃣ ثالث طريقة إنك تمتحن امتحان انجليزي
secure English language test (SELT)
في امتحانات كتير بيقبلوها لازم ال CEFR level (اللي هو ليڤل الانجلش المطلوب) يكون B1 أو أعلى يعني B1 أو B2 أو C1 أو C2.
كل أنواع الامتحان اللي بيقبلوها و كل الأماكن المعتمدة اللي ممكن تمتحنوا فيها هتلاقوها ف اللينك ده
طبعاً أسهلهم ال B1 غالباً بيكون listening و speaking فقط عشان كده كل الناس بتختاره.
في كذا نوع لل B1 في أماكن مختلفة:
✔️ في PTE B1 بيكون على الكمبيوتر 32 سؤال مدته 22 دقيقة و في 4 أنواع من الأسئلة ، تكلفته 160£ ، النتيجة غالباً بتظهر خلال يومين ، تقدروا تعرفوا عنه أكتر وتحجزوه من اللينك ده
✔️ في B1 (GCSE Grade 5) ده بيكون في ممتحن بني آدم يعني من خلال video conference ، الامتحان بيكون 10 دقايق ،جزئين Topic و Conversation ، تكلفته 150£ ، النتيجة بتوصلك خلال اسبوع ، معلومات أكتر عنه في اللينك ده
و في ماتريال للمذاكرة على نفس الموقع
✔️ في ESOL SELT B1 ده برضه بيبقى مع ممتحن بني آدم أونلاين ، الامتحان ٤ أجزاء مدته من 8-13 دقيقة ، تكلفته 150£ ، النتيجة بتظهر خلال ٣ أيام عمل.
ممكن تحجزوه من اللينك ده
وفي ماتريال تذاكروا منها على نفس الموقع
✔️ في IELTS Life Skills B1 تكلفته 155£ النتيجة بتظهر خلال ١٣ يوم ، ممكن تحجزوه من اللينك ده
▪️لما بتنجح في أي نوع منهم بيبعتولك reference number تستخدمه ف أبلكيشن ال ILR أو الجنسية.
◀️ لو حد عنده ظروف صحية مزمنه تمنعه من إنه يمتحن لازم يملى الفورم دي https://assets.publishing.service.gov.uk/government/uploads/system/uploads/attachment_data/file/751589/Form_Waiver_KOLL_.pdf
⏪️ في ناس معفيين من اثبات اللغة ده عند التقديم على ال ILR بس مفيش حد معفي عند التقديم على الجنسية (إلا اللي سنهم فوق ٦٥ أو ملواالفورم اللي فوق دي 👆🏼 أو معاهم جنسية بعض البلاد المعينة).
تقدروا تعرفوا الناس المعفيين من اللينك ده
ملحوظة: ال settlement المقصود بيها ال ILR و ال citizenship المقصود بيها الجنسية.
⏺️ لو امتحنت B1 و انت بتقدم ع ال ILR خلاص مش لازم تمتحن تاني وانت بتقدم ع الجنسية بتقدم نفس ال reference number حتى لو كان الامتحان expired.
Medium of Instruction Letter Sample
To Whom It May Concern
This is to certify that <FULL NAME> has completed his/her <DEGREE NAME> from <UNIV NAME> University during <PERIOD OF STUDY>. He/She was awarded the degree by the University on <DATE OF AWARD>.
The medium of instruction for the above-mentioned course was in English for the entire <NO. of YEARS> years duration both written and spoken.
I the undersigned confirm that the above facts are true and correct to the best of my knowledge and belief.
Signed by Dean Faculty of <Faculty Name>
Faculty Address: XXXXXX XXXXXX
Telephone: xxxxxx
Fax: xxxxxx
Email: XXXX
Prof. Dr. <His/Her name>
<His/Her Signature>
ختم النسر
Comments