Life in the Uk Test 🇬🇧
- Rahma Mahdy Agha
- Apr 6, 2023
- 3 min read
Life in the Uk Test
الامتحان ده لازم كل الناس تمتحنه عشان تقدم على الإقامة الدائمة أو الباسبور حسب نوع الفيزا بتاعتكم ( يعني في ناس بتحتاجه فأبلكيشن التقديم ع الإقامة وفي ناس بتحتاجه ف أبلكيشن التقديم ع الباسبور بس هتحتاجوه أكيد )
رسوم حجز الامتحان 50£ أو 65£ حسب اليوم والوقت
الحجز أونلاين فقط من اللينك ده Life in the UK Test: Book the Life in the UK Test - GOV.UK
ممكن تحجز بالباسبور أو بكارت ال BRP بس يوم الامتحان لازم تاخد معاك نفس اثبات الشخصية اللي حجزت بيه لو نسيته مش هتمتحنومش هيرجعولك فلوسك.
وممنوع تاخد معاك أي حد وانت داخل سنتر الامتحان لا أطفال ولا كبار.
بعد ما تحجز ممكن تغير ميعاد الامتحان عادي أو تكنسله، بس عشان يرجعولك فلوسك لازم تكنسل قبل ميعاد الامتحان ب ٣ أيام ع الأقل.
ميزة الامتحان ده إنه مالوش انتهاء صلاحية يعني بتمتحنه مره واحده ف العمر ف اخلص منه بدري على قد ما تقدر حتى لو لسه واصلبريطانيا السنه دي ابدأ ذاكر فيه.
الامتحان مدته 45 دقيقة عبارة عن 24 سؤال وعشان تنجح لازم تجيب سكور 75% أو أكتر يعني لازم تجاوب ع الأقل 18 سؤال صح.
الأسئلة معظمها اختيارات بيطلب منك تختار اجابة واحدة صح أو تختار اجابتين صح من أربع اختيارات ف اقرأ السؤال كويس وممكنيجيبلك عبارتين ويقولك انهي واحده اللي صح أو يجيبلك عبارة ويسألك هي صح ولا غلط.
عشان تستعد للامتحان في مجموعة من ٣ كتب official من الهوم اوفيس، الامتحان مستحيل يخرج عنهم؛ الأبيض عبارة عن معلوماتتقرأها والأحمر تدريب ع الأسئلة يعني فقرات كده وأسئلة عليها والأزرق كله امتحانات واجاباتها ممكن تشتريهم من اللينك ده The Official Shop | Official Life in the UK Learning Zone
الكتاب الأبيض والأزرق مفيدين جداً لكن الأحمر ما استفدتش منه بصراحه.
في كمان نسخه مسموعه من الكتب لو وقتكم ضيق ممكن تسمعوها وانتو سايقين أو بتتمشوا ف الشارع أو بتعملوا شوبينج.
وفي أبلكيشن ع الموبيل official برضه ممكن تنزلوه من اللينك ده https://apps.apple.com/gb/app/official-life-in-the-uk-test/id632064672
وفي مواقع كتير جداً عليها امتحانات ممكن تتدرب عليها لو كتبت على جوجل Life in UK Test Practice هتلاقي مواقع كتير وفي كمانقنوات ع اليوتيوب بتشرح المعلومات اللي ف الكتاب وبيحاولوا يربطوا بينها عشان تفتكرها.
أنا شخصياً ذاكرت ال٣ كتب وحليت أسئلة كتير ع المواقع والحمدلله نجحت من أول مره.
لو لاقدر الله مانجحتش هتفضل تعيد الامتحان لحد ما تنجح مالهاش حل تاني.
النتيجة بتظهر أول ما تخلص الامتحان بيبعتولك ايميل خلال عشر دقايق لو نجحت هتلاقي reference number في الايميل الرقم دهبتحتاجه في أبلكيشن التقديم ع الإقامة أو الجنسية عشان يثبت انك نجحت ف لازم تحتفظ بالرقم ده.
نسبة الناس اللي بتنجح في الامتحان حوالي ٧٠ ل ٨٠ ٪ على مدار السنوات المختلفة يعني آلاف من الناس بتسقط في الامتحان ده كلسنه. عشان في ناس فاكره إن مفيش سقوط وكل اللي بيدخل بينجح!
عناوين ال test centres كلها ف اللينك ده
محتوى الامتحان اللي هو الكتاب الأبيض مقسم ل 5 فصول؛
الفصل الأول: قيم ومبادئ الحياة في بريطانيا
الثاني: ماهي المملكة المتحدة ؟
الثالث: تاريخ بريطانيا منذ نشأتها مروراً بالعصور الوسطى والقرن العشرين وحتى يومنا هذا.
الرابع: المجتمع البريطاني؛ العادات والتقاليد ، الدين ، الفنون والرياضه. وأي واحد بريطاني عمل أي انجاز ف أي مجال هتلاقي اسمهوعمل ايه امتى!
الفصل الخامس: الحكومة والقانون و دورك تجاهم.
أنا بصراحه شايفه إن كل الناس لازم تقرأ الكتاب لأن فيه معلومات حلوه فعلاً ، ف الآخر كمان بيديك نصايح ازاي تندمج أكتر ف المجتمعالبريطاني و تشارك ف الأعمال التطوعية وغيره.
وانت بتذاكر خلي معاك ورقه وقلم واكتب notes بالمعلومات اللي محتاج تفتكرها أو ممكن تعمل خط تحتها ف الكتاب نفسه عشان يبقىسهل عليك تراجع.
في tips للمذاكرة ممكن تساعدكم تفتكروا المعلومات والتواريخ في اللينك ده Life in the UK Test Book - FREE access to official 2023 study material
لو حد عنده ظروف صحيه مزمنه تمنعه من إنه يمتحن لازم يملى الفورم دي ويقدمها مع الأبلكيشن
بالتوفيق
Comments