قانون التبرع بالأعضاء 🫀

قانون التبرع بالأعضاء في انجلترا اتغير في مايو ٢٠٢٠ علشان يساعد في انقاذ أرواح أكتر ، وبقى اسمه ( نظام تسجيل الخروج Opt Out System ) يعني أي حد فوق ١٨ سنة اتوفى في إنجلترا هيعتبر موافق على التبرع بالأعضاء والأنسجة عند وفاته إلا إذا كان ينتمي ل المجموعات المستبعدة أو وقّع على قرار بعدم التبرع.

المستبعدين من القرار ده هم:

- أي حد عمره أقل من ١٨ سنه

- الزائرين و أي حد عاش في انجلترا أقل من ١٢ شهر قبل وفاته

- الناس اللي مش عايشين في انجلترا بإرادتهم

- الناس اللي قدرتهم العقلية تمنعهم من فهم الترتيبات الجديدة واتخاذ قرار في الموضوع

حتى بعد القرار ده العائلة هتتسأل برضه وهيناقشوا معاهم اختيار التبرع بالأعضاء ورأيهم هيتاخد بعين الإعتبار وكمان عشان يتأكدوا عن طريقهم من السجل بتاعك عندهم سواء كنت مسجل انك عايز تتبرع أو مش عايز (يعني لازم تناقش قرارك مع عائلتك).

لو حضرتك مش عايز تتبرع ممكن تملى ال form دي👇🏻

https://www.organdonation.nhs.uk/register-your-decision/refuse-to-donate/refuse-donation-form/

طيب لو عايز تتبرع بس بأعضاء معينة فقط ممكن تملى ال form دي 👇🏻وتختار الأعضاء اللي موافق تتبرع بيها

https://www.organdonation.nhs.uk/register-your-decision/register-your-details/?

طيب لو مش عايز تاخد قرار ف الموضوع ده دلوقتي وعايز حد معين يقرر بدالك ؟ ممكن تملى ال form اللي ف اللينك ده 👇🏻عشان توكل شخص أو اتنين ياخدوا القرار ده بدالك وتوقعوا كلكم ع الفورم وشاهد يوقع معاكم عشان يتاخد بيها

https://www.organdonation.nhs.uk/register-your-decision/nominate-a-representative/

طيب لو معندكش مشكلة إنك تتبرع بجميع أعضاءك بعد عمر طويل ان شاء الله ممكن ماتعملش أي حاجة بس تعرف أسرتك بقرارك لأنهم هيتسألوا عنه.

وممكن تملى الفورم دي برضه 👇🏻

https://www.organdonation.nhs.uk/register-your-decision/donate/

القانون ده أحياناً بيعرف باسم ( قانون ماكس وكييرا Max and Keira’s law ) تكريماً للبنت اللي اتبرعت بقلبها والولد اللي اتزرعله القلب.

ملحوظة : القانون ده خاص بانجلترا England فقط

لكن ويلز واسكتلندا وأيرلندا الشمالية كل واحده ليها قانون خاص بيها.

كفانا الله وإيّاكم شر فواجع القدر

و دمتم بخير ❤️

#انجلترا_وسنينها