الفرق بين انجلترا وبريطانيا والمملكة المتحدة 🇬🇧
- Rahma Mahdy Agha
- Jul 11, 2021
- 1 min read
ايه الفرق بين انجلترا والمملكة المتحدة ؟
المملكة المتحدة United Kingdom عبارة عن ٤ دول رئيسية وكل دولة منهم ليها عاصمة وعلم غير علم ال 🇬🇧UK
الدول دي هي :
١- انجلترا England 🏴 عاصمتها لندن London
٢- اسكتلندا Scotland 🏴 عاصمتها ادنبره Edinburgh
٣- ويلز Wales 🏴 عاصمتها كارديڤ Cardiff
٤- ايرلندا الشمالية Northern Ireland (مش لاقيه ايموچي لعلمها 😅 هو اللي ف الصورة ده 👇🏻شبه علم انجلترا بس في كف ايد ف النص وفوقها تاج بيستخدم عشان يمثل أيرلندا الشمالية في بعض المسابقات الرياضية لكن علمها الرسمي هو علم المملكة المتحدة) عاصمتها بلفاست Belfast
بالإضافة للأربع دول دي المملكة المتحدة بتشمل كمان آلاف من الجُزر الصغيرة المحيطة بيها
بريطانيا العظمى Great Britain هي قطعة أرض متصلة ببعضها بتشمل ٣ دول اللي هم انجلترا و اسكتلندا و ويلز وبعض الجزر الصغيرة التابعة ليهم
وبيفصلها عن ايرلندا الشمالية مسطح مائي عبارة عن البحر الأيرلندي والقناة الشمالية the Irish Sea and North Channel
كل دولة ليها استقلالية بعض الشئ وكل واحده عندها برلمان بس دوره بيقتصر على القضايا الداخلية زي التعليم والاسكان لكن القضايا الخارجية اللي بتشمل المملكة المتحدة ككل من اختصاص برلمان ال UK
كمان ويلز ليهم لغة خاصة بيهم اسمها Welsh
لكن بريطانيا عموماً بيتكلموا English بس اسكتلندا وأيرلندا عندهم لكنه accent واضحة جداً Scottish و Irish وفي بعض المناطق بيتكلموا لغة اسمها Scots
يعني باختصار
انجلترا جزء من بريطانيا
وبريطانيا جزء من المملكة المتحدة
Comentarios