إذاعات القرآن الكريم
- Rahma Mahdy Agha
- Mar 29, 2022
- 1 min read
اللي بيحب يشغل الراديو على إذاعة القرآن الكريم
تقدروا تشغلوها وانتو هنا ف انجلترا أو في أي دولة في العالم من أبلكيشن اسمه إذاعات القرآن الكريم
الأبلكيشن مقسم لأجزاء (categories) فيه
📿 إذاعات للقرآن من كذا دولة زي السعودية ومصر وفلسطين و تونس والجزائر وغيرهم
📿 وفي تلاوات للقراء لو عايزين تسمعوا قارئ معين
📿 في category للسور كمان يعني ممكن تشغلوا سوره معينة بصوت أكثر من قارئ
📿وفيه المصحف المعلم للأطفال
📿 فيه دروس لشيوخ كتير منهم مثلاً عمر عبد الكافي و محمد العريفي و راتب النابلسي ونبيل العوضي و أيمن عبدالرحيم وغيرهم كتير
📿 و فيه category لتفسير القرآن زي تفسير الطبري والشعراوي
📿 و category للأحاديث زي صحيح البخاري ومسلم
📿 و فيه كمان خطب و تراويح من الحرم المكي والمسجد النبوي
📿 وفيه أدعية وأذكار والرقية الشرعية
📿 وفيه category لترجمة القرآن بعدة لغات بيقرأ الآية بالعربي بعدين يقول الترجمة بتاعتها
- الأبلكيشن فيه كمان timer ممكن تخليه شغال لمدة ساعه مثلاً وبعدين يقف لوحده
- ممكن يشتغل ف الخلفية عادي
وممكن تشغلوه على سماعة bluetooth speaker عشان يبقى ثابت في مكان زي الراديو 📻
- ممكن كمان تشغلوه في العربية من CarPlay
- فيه كمان خاصية record ممكن تسجلوا أي حاجة من الإذاعة أو الدروس أو الخطب وتسمعوها بعد كده أو تعملولها شير مثلاً
- الأبلكيشن مجاني ممكن تسمع أي حاجة عليه بدون اشتراك
وممكن تدفع اشتراك عشان مايبقاش فيه إعلانات أو عشان تعمل download للملفات اللي عليه وتسمعها بعد كده بدون انترنت
ده لينك الأبلكيشن
Comments