Recycle at Boots ♻️

Rahma Mahdy Agha
1 day ago
3 min read

ده أبلكيشن صيدليات بوتس عملاه تقدر تعمل من خلاله ريسيكل لعبوات منتجات كتير فارغة بعد استعمالها ومش شرط تكون اشتريتها منهم وفي المقابل هيدوك نقط تقدر تشتري بيها أي حاجة من عندهم.

الطريقة:

هتنزل أبلكيشن Recycle at Boots من اللينك ده

https://apps.apple.com/gb/app/recycle-at-boots/id6473898575

لازم يكون عندك Boots Advantage Card عشان تكسب النقط وتصرفها

هتلاقوا معلومات عن نظام النقط بتاع بوتس والكارت بتاعهم في البوست ده

https://www.facebook.com/share/p/1EhQkuRc5D/?mibextid=wwXIfr

هتفتح أبلكيشن Recycle at Boots تعمل أكونت

هتلاقي ٢ schemes

واحد اسمه Health, Beauty and Wellness

و واحد اسمه Blister Pack

تقدر تختارهم الاتنين أو واحد فيهم بس

من الأبلكيشن اضغط على account وبعدين schemes

ال blister pack ده لشرايط الحبوب والبرشام الفاضية سواء أدوية أو ڤيتامينات سواء صرفتها من روشته prescription أو من غير روشته،

والتاني من اسمه واضح لمنتجات التجميل والنظافة والصحة وغيره.

لما تفتح الأبلكيشن في الهوم هتلاقي في الكورنر فوق ع اليمين زرار كده تغيره من beauty ل blister حسب نوع المنتجات اللي هتعملها ريسيكل.

🟢 في قسم شرايط الدوا:

هتختار add recyclables

وتأكد ٣ شروط ف المنتج عشان يقبلوه

✔️ ١ إن الشريط فاضي

✔️ ٢ إن الدوا ده كان للاستخدام الآدمي وانه مش controlled drug مش جدول يعني زي ما بنقول ف مصر

✔️ ٣ إنك هتحطها فقط ف البوكس المخصص للشرايط مش بتاع ال scheme التاني

وبعدين هتختار الدوا ده كان prescription ولا لأ

لو prescription هتصور الشريط وتضغط continue

لو مش prescription هتصوره وتختار البراند وتختار الدوا ده بتاع ايه مثلاً حساسية، مسكن، للبرد وهكذا وبعدين submit

🟠 في قسم البيوتي:

هتختار add recyclables

وتأكد ٣ شروط ف المنتج عشان يقبلوه

✔️ ١ إنه يكون صعب تعمله ريسيكل يعني الكونسيل بتاعك مش بيقبلوا المنتج ده في ال recycle bin اللي عندك ف البيت

✔️ ٢ إنه يكون non-hazardous العلبة مش عليها العلامة بتاع المواد الخطر

✔️ ٣ إنه يكون نضيف وفاضي

بعدين تصور المنتجات اللي عايز تعملها ريسيكل كل منتج لوحده وتختار اسم البراند ونوع المنتج ونوع العلبة بتاع المنتج من القايمة وتعمل submit لو مالقيتش المنتج في القايمة يبقى مش بيقبلوه بس في منتجات كتير جداً بيقبلوها.

🔵 الخطوات الجاية هي نفسها لل ٢ schemes

في خلال ٢٤ ساعة بعد ما تعمل submit بيراجعوا المنتجات وهتلاقيهم اتنقلوا من ال pending ل إما approved أو rejected

الحاجات ال approved لما بيكملوا خمس قطع تقدر تروح توديهم فرع من فروع بوتس اللي فيها الخدمة دي وتاخد ڤوتشر. لازم الخمس قطع يكونوا نفس ال scheme.

تقدر تعرف الفروع كلها اللي فيها الخدمة دي من نفس الأبلكيشن لو ضغطت على account هتلاقي recycling points لو ضغطت عليها هتفتح خريطة فيها كل الفروع المتاحة تقدر تختار الفروع اللي بتقبل ال blister أو ال beauty أو الاتنين.

وانت ف الفرع من نفس أبلكيشن Recycle at Boots بتختار ديبوزيت هيفتحلك الكاميرا هتروح عند البوكس بتاع الريسيكل (زي اللي ف الصورة 👇🏽خلوا بالكم في اتنين بوكس شكلهم مختلف كل واحد ل scheme مختلف) و تعمل سكان لباركود موجود ع البوكس الكبير ده وتختار الحاجات اللي هتعملها deposit من الحاجات ال approved ع الأبلكيشن وبعدين تحطهم ف البوكس اللي ف المحل وتختار confirm ع الأبلكيشن وبيبعتولك ڤوتشر فوراً صالح لمدة يومين فقط هتلاقيه ف wallet أو rewards ع الأبلكيشن.