Boots 💊
- Rahma Mahdy Agha
- Jan 7, 2021
- 2 min read
Updated: Sep 12, 2022
أحب loyalty card إلى قلبي boots advantage card بحبه جداً لإني جبت بيه حاجات كتير ببلاش 😂
هو نظامه بسيط جداً بتجمع نقط —> النقط دي بتتحول لفلوس أوتوماتيك تقدر تشتري بيها أي حاجة من boots سواء من الفروع أو أونلاين (ماعدا الأدوية اللي ع الروشته) النقطه ب بنس يعني ال ١٠٠ نقطه بيتحولوا ل ١ باوند.
أسهل طريقة للإشتراك إنك تنزل الأبلكيشن وتعمل sign up ويبقى عندك كارت ع الأبلكيشن تقدر تستخدمه فوراً وبيبعتولك نسخة منه ف البريد على عنوان بيتك.
مزايا الكارت:
- لما بتنزل الأبلكيشن بتاخد ٢٠٠ نقطة
- لما بتعمل sign up للايميلات بتاعتهم بتاخد ١٠٠ نقطة
- كل باوند بتصرفه بتاخد عليه ٤ نقط
- فيه عروض خاصة بيك لوحدك بتعرفها من الأبلكيشن هتلاقيها تحت offers —> just for me بتعمل load لأي أوفر عايز تستخدمه وبمجرد ما بتعمل سكان للكارت وانت بتحاسب بيُستخدم الأوفر اوتوماتيك والعروض الخاصة بيك دي بتتغير كل فترة لما بت expire بينزلولك غيرها
- في كمان clubs ممكن تشترك فيها زي ال Parenting Club ده لأي أب أو أم (حتى لو لسه حامل) ممكن تشترك وهتاخد على أي منتجات للبيبي ٨ نقط لكل باوند تصرفه وكمان ممكن يبعتولك هدايا للبيبي في كل مرحلة عمرية في حياته وبيبعتولك ايميلات فيها نصايح من خبراء خاصة بالبيبي برضه.
- في Over 60s rewards ده للناس اللي معديه ال ٦٠ سنه بياخدوا ٨ نقط على كل باوند يصرفوه برضه.
- خصم ١٠٪ للطلبة.
- في كمان boots X ده خاص بمنتجات التجميل ولما بتشترك فيه بيبعتولك ع الايميل آخر آخبار منتجات التجميل.
- كمان بيدوك هدية في شهر ميلادك طول الشهر تاخد double points على أي حاجة تشتريها.
Amazing, isn’t it ? 🤩
عيبه الوحيد من وجهة نظري انك عشان تدفع بالبوينتس اللي مجمعها لازم تكون مغطية تمن الفاتورة كلها يعني لو مثلاً هتشتري حاجة ب ١٠ باوند وانت معاك ٩٠٠ بوينت يعني ٩ باوند مينفعش تدفع ال ٩ بالبوينتس والباوند الباقي ده بأي طريقة تانية لازم يكون معاك بوينتس تغطي حساب الحاجة اللي هتشتريها. لو هتشتري أكتر من حاجة وحاجة فيهم البوينتس مغطياها والتانية لأ ممكن تحاسب على كل واحدة لوحدها و تدفع واحدة بالوينتس و واحدة ب أي طريقة تانية.
ممكن تشتركوا من هنا 👇🏻
Comentarios