Yeo Valley yeokens
- Rahma Mahdy Agha
- Apr 25, 2021
- 1 min read
بما إننا في رمضان وموسم الزبادي وكده 😄 هديكم ريڤيو عن منتجات Yeo Valley ❤️ هم مزرعة و منتجاتهم كلها أورجانيك 🍃 عندهم زبادي وحليب وزبدة وجبنة وكل منتجات الألبان تقريباً وكل حاجة بتشتريها بيبقى عليها كود على غطا الزبادي مثلاً من جوه بتدخل الأكواد ع الموقع ع الأكونت بتاعك وتاخد بيهم نقط اسمها yeokens النقط دي ممكن تعمل بيها حاجات كتير ممكن تتبدل بفوتشرز تصرفها في أماكن تانية
أو خصومات على منتجات من مواقع تانية
أو تتبدل بتذاكر لأماكن ممكن تزوروها
أو تتبرع بيهم لجمعيات خيرية
وممكن تشتري بيها منتجات من ع الموقع بتاعهم وبيبعتوها دليفري ع البيت ببلاش والمنتجات دي بتتغير كل فترة بينزلوا حاجات جديدة
أنا جمعت نقط كتير وجبت بيهم الحاجات اللي ف الصورة دي (مج قهوة و زجاجة ميه بتحفظ الحرارة وميدالية token بتتحط ف التروللي لو مش معاك باوند)🎁
جربت من منتجاتهم الحليب، والزبادي، والزبدة، والكريم Fraîche اللي هي العلبة الزرقا اللي ع اليمين دي ، بصراحه أنا بعامله معاملة الزبادي وبآكله بالمعلقة 😂 طعمه كريمي ورهيب. كلهم بجيبهم من تيسكو وأسدا وموجودين كمان في سانسيبري، ويتروز، موريسونز. عرفت كمان إن عندهم آيس كريم أورجانيك كاتبين ع الموقع انه موجود ف ويتروز بس لسه ماجربتوش.
ده الموقع بتاعهم لو عايزين تعرفوا منتجاتهم كلها وتقدروا تعملوا أكونت بالإيميل عشان تجمعوا yeokens
Comments