Save money with a Prescription Prepayment Certificate

الناس اللي بتدفع فلوس العلاج بتاعها اللي ع الروشته (مش بتصرفه مجاني) وبتحتاج علاج كتير أو بتصرف repeat prescription من ال GP أو ال dentist

ممكن يعملوا حاجة اسمها

‏ Prescription Prepayment Certificate (PPC)

طبعا عارفين إن أي بند ف الروشته بندفع عليه 9.35£

الخدمة دي بقى بتدفع بالمُدّة الزمنية مش بعدد الأدوية وفيها اتنين أوبشن

الأول: بتدفع 30.25£ باوند صالحة لمدة ٣ شهور ودي هتوفرلك لو بتصرف أكتر من ٣ أدويه في ال ٣ شهور

التاني: بتدفع 108.10£ ف السنة و دي هتوفرلك لو بتصرف أكتر من ١١ دوا ف السنة والروشته السنوية دي ممكن تتقسط بحيث تدفع 10.81£ باوند ف الشهر لمدة ١٠ شهور

وتصرف عدد لانهائي من الأدوية بدون ما تدفع ولا جنية زيادة

و شاملة كمان روشتات ال dentist

الجميل كمان إنك ممكن تعملها بأثر رجعي لمدة شهر فات ويرجعولك أي فلوس دفعتها زيادة وممكن تعملها يوم الكشف نفسه أونلاين وبيبعتولك ايميل فيه رقمها، لو طلبوه منك ف الصيدلية بيشوفوا الايميل وخلاص ومابتدفعش حاجة ف الصيدلية وانت بتستلم العلاج بتعمل علامة صح على اختيار has a valid prescription pre-payment certificate اللي ف الروشته وبتمضي بس كده

وممكن لو عايزها ورق مش أونلاين تطبع الايميل أو وانت بتعملها ع الموقع تطلب تتبعتلك في البريد

بتتعمل من الموقع ده

https://services.nhsbsa.nhs.uk/buy-prescription-prepayment-certificate/start

وفي بعض الصيدليات بتبيعها يعني ممكن تدفع وتعملها في الصيدلية نفسها

# المصدر :

موقع الحكومة

https://www.gov.uk/get-a-ppc

موقع ال NHS

https://www.nhs.uk/nhs-services/prescriptions-and-pharmacies/save-money-with-a-prescription-prepayment-certificate-ppc/

#انجلترا_وسنينها