أنواع العجل (الدراجات الهوائية) 🚲
- Rahma Mahdy Agha
- Apr 3, 2021
- 5 min read
Updated: Aug 11, 2023
ركوب العجل ممتع جداً مش بس وسيلة مواصلات لكن كمان رياضة وتغيير موود.
وسهل جداً تتعلم ف سن كبير عادي و مش هتاخد وقت خالص و شهور قليلة و ممكن تسوق العجلة في الشارع و تقضي بيها مشاوير.
قبل ما نركب العجلة لازم نعمل ABC Check
A air
نتأكد ان العجلة منفوخة كويس مش مهويه
B brakes
الفرامل شغاله
C chain
الجنزير مشدود كويس ومتزيت
وممكن تشوفوا شرح تفصيلي لل check في الڤيديو ده وفي غيره كتير ع اليوتيوب
العجل أنواعه كتير كل نوع له مميزاته.
هتختار نوع العجلة على أساس انت عايزها ليه وهتروح بيها فين
لو هتروح بيها الشغل مثلاً أو هتقضي بيها مشاوير أو رياضه وترفيه بس. لو هتعمل كل دول اختار على حسب ايه الهدف الرئيسي أو أكتر وقت هتسوقها هيبقى لأي سبب في دول.
لما تعرف أنواع العجل وإمكانياتها المختلفة هتقدر تكون فكرة عن المواصفات اللي تناسبك.
أنواع العجل:
هذكر في البوست ده أشهر أنواع في أنواع تانية مش شائعة اوي هتكلم عنها في بوست تاني ان شاء الله.
في نوعيين رئيسين عكس بعض ف كل حاجة تقريباً وباقي الأنواع كلها variations منهم. النوعيين الأساسيين هم road و mountain.
1- Road bike
أفضل حاجة للطرق الأسفلت لأن اطارها خفيف وعجلاتها رفيعة بتساعدك تمشي بأقصى سرعة بأقل مجهود. لكن مش بتستحمل لو هتشيل حاجات تقيلة ع العجلة أو لو هتمشي في طريق فيه حفر مثلاً أو حاجة.
المقبض بتاعها غالباً بيبقى dropped يعني نازل لتحت و ده ميزته انه بيساعدك تكون في وضعية جلوس تخليك أسرع aerodynamic riding position لكن عيبه انه مش مريح لبعض الناس وأعتقد مش مناسب للمبتدئين.
Road bike
🚲 Pros: Quick, efficient and fun
🚲 Cons: Easier to damage, less comfortable for casual riders
2- Mountain bike
أفضل للطرق الوعرة بتتحمل تضاريس الطريق مهما كانت لأن عجلاتها قوية وعريضة ومتعرجة و بتثبت على أي طريق. كمان الفرامل فيها بتبقى قوية والسرعات مختلفة بتساعدك تمشي في أماكن منحدرة. حتى لو مش هتطلع بيها جبل يعني هتكون مناسبة ل الخروجات الترفيهية لأن وضعية جلوسها مريحها ومقبضها straight.
في المقابل هي أتقل من ال Road bikes يعني هتحتاج مجهود أكبر عشان تمشي بيها بسرعة. ف حاول تتجنبها لو هتسوق معظم الوقت ع الطرق الأسفلت.
Mountain bike
🚲 Pros: Great brakes, upright position, tough, versatile.
🚲 Cons: Heavy, slow on tarmac.
3- Hybrid bike
حاجة كده ف النص بين الروود والماونتين. بتجمع بين ميزة وضعية الجلوس المريحة وقوة وسرعات الماونتن والإطار الخفيف في الروود.
المقبض بتاعها سترايت مش نازل لتحت ومريح بيسمحلك تقعد upright . صحيح ممكن يكون ال position ده مش أسرع حاجة بس بيخليك تشوف الطريق قدامك كويس.
الفرامل بتاعتها قوية مناسبة للمطر وف نفس الوقت خفيفة. وبيبقى فيها كمان حامل ممكن تشيل عليها حاجات.
Hybrid bike
🚲 Pros: Fairly quick, versatile, upright.
🚲 Cons: Typically heavier than road bikes, and not as fast
4- City bike / Dutch-style bike
عجلة عملية وبسيطة ومتينة شبه الهايبريد بس هي مش category معين من العجل. وضعية جلوسها مريحة ومستقيمة بتخليك تشوف الطريق كويس. معظمها بيبقى ال crossbar بتاعها (اللي هو الجزء المعدن اللي بين المقبض والكرسي) منخفض ف سهل تركبها بأي ملابس مش شرط ملابس رياضية يعني ممكن السيدات تركبها بفستان أو جيبة ومناسبة كمان للناس اللي عندها مشكلة في حركة مفاصلها لأن مش بتحتاج ترفع رجلها جامد عشان تركب. ممكن تركبلها باسكت قدام وممكن كرسي أطفال في الخلف. مشكلتها انها تقيلة شويه ف بتكون متعبة في ال hills. معظم عجل الكونسيل اللي بيتأجر النوع ده.
City/ Dutch-style bike
🚲 Pros: Great looks, relaxed riding position, practical, ideal for wearing normal clothes, normally very durable, Generally fairly low maintenance. Comfortable for casual ridding.
🚲 Cons: Heavy and slow, not good for getting anywhere at pace.
5- Electric bike/ E-bike
عجلة ب بطارية وموتور. طبعاً بتبقى مريحة مش بتحتاج مجهود ف السواقة ، أغلى وأتقل من العجل العادي. مناسبة للشغل مش مناسبة للرياضة لأن ما بتبذلش مجهود. في منها road, mountain, hybrid and dutch-style
في ليميت لسرعة العجلة عشان تقدر تسوقها بدون رخصة ما تزيدش عن 15.5mph وقوة الموتور ماتكونش أكتر من ٢٥٠ وات . أكتر من كده بتعتبر motorcycle ولازم تطلع رخصة وتعملها تأمين وتلبس خوذة وتنطبق عليها بقى كل قواعد سواقة الموتوسيكل.
هتلاقوا معلومات أكتر عن شروط استخدامها على موقع الحكومة في اللينك ده
اللي ف الصورة ده عجل الكونسيل اللي بيتأجر في ليڤربول
Electric Bike
🚲 Pros: Easy to ride, comfortable, fun
🚲 Cons: Regular recharging, heavier and significantly more expensive than an equivalent standard bike
6- BMX bike
اختصار ل Bicycle Moto Cross . النوع ده متوفر للكبار والأطفال. هي عجلة صغيرة في الحجم وخفيفة بس قوية. مناسبة لل skate parks لأنها قوية وصغيرة ف بتتشقلب بيها براحتك مناسبة كمان ل الطرق اللي فيها الطين.
BMX bike
🚲 Pros: Small and generally pretty light, easy to store, fun, super cool , good for getting kids into cycling.
🚲 Cons: Hard to ride, not good for extensive rides.
7- Fixed gear / singlespeed bike
أحياناً بيسموها ‘Fixie’ عجلة بسيطة جداً وصيانتها بسيطة زيها. مفيهاش أجزاء كتير ممكن تبوظ وتحتاج تغيرها وكده.
مش مناسبه أوي للمبتدئين. هي سرعة واحدة ف بتحتاج مجهود كبير في السواقة لأن مفيش سرعات تساعدك ف لازم تتعود عليها عشان تعرف تتحكم ف قوة وسرعة التبديل طول الوقت. بتبقى متعبة شويه خصوصاً لو طالع hill ف هي كويسه للرياضة لأنها بتخليك تبذل مجهود.
في منها أشكال مختلفة مش كلها نفس الديزاين يعني ممكن تلاقي مقبض سترايت أو dropped عجل عريض او رفيع. وسعرها بيكون أرخص من ال geared.
Fixed gear bike
🚲 Pros: Light, simple, quick
🚲 Cons: Some skill required, hard when it’s hilly
8- Cyclocross bike
مناسبة اوي للسباقات.
مقبضها dropped زي الروود بايك وعجلاتها عريضة. و ده بيخليها مناسبة لمعظم انواع الطرق. ال frame بتاعها خفيف.
Cyclocross bike
🚲 Pros: Fast, dedicated solution for racers. Good brakes and gearing make city riding easy.
🚲 Cons: Heavier than a road bike, tyres can be not suitable for tarmac and so might need changing.
9- Gravel / Adventure bike
شبه ال cyclocross اوي بس في اختلاف شويه في الهندسة بتاعتها المسافات بين المحاور أكبر ف بتبقى مريحة أكتر شويه من ال cyclocross.
شبه الروود انها سريعه ومقبضها لتحت بس عجلها أعرض ف ممكن تمشي بيها على أنواع طرق أكتر.
Gravel bike
🚲 Pros: Fast, comfortable, practical
🚲 Cons: slower and heavier than road bikes
10- Touring bike
شبه ال road bike خفيفة بس أقوى وعجلاتها أكبر و مناسبة للسفر والمسافات الطويلة لأنها بتشيل شنط.
طبعاً دي مقارنة مختصرة جداً لكن في اختلافات تانية كتير بين الأنواع وبعضها في الفرامل مثلاً وال gears وال suspension وغيره.
Touring bike
🚲 Pros: Tough, lots of load-carrying capacity, still fairly quick, frames are generally good for potholes. Gearing and rider position make for comfortable city traversing.
🚲 Cons: Not quite race-bike quick, tend to be heavy.
Step through bikes
ده أحد أنواع ال frames اللي هو العجل اللي ال frame بتاعه مفيهوش topbar أو ال crossbar فيه منخفض زي ال dutch style كده
Step through bike
ده نوع frame بس.
العجلة اللي فوق ف الصورة دي مثلاً step through electric hybrid
ودرجة انخفاض ال crossbar بتختلف من عجلة للتانية وأحياناً ال topbar بيبقى مش موجود خالص
🚲 Pros: easily step over the frame to mount the bike, practical hop-on-hop-off approach to cycling, mobility restrictions friendly (particularly with hips), easier to cycle in a skirt or a dress, easier to get on and off with a child seat on the back.
🚲 Cons: quite heavy and slow.
في أنواع عجل بيكون فيه بعض الإضافات زي ال fender وال chain guard مثلاً ف لو محتاج الاضافات دي الأفضل تشوف نوع موجودة فيه بالفعل بدل ما تشتريها لوحدها وكمان تتأكد لو في مساحة حوالين ال wheel عشان تركب أي اضافات أو لو عايز تغير ال wheel تجيب واحده أعرض مثلاً تتأكد إن في مساحة برضه قبل ما تشتريها.
الأسعار بتختلف باختلاف نوع العجل طبعاً والأفضل تختار نوع عجلة ب امكانيات تناسبك في حدود ميزانيتك. يعني ماتجيبش عجلة غالية اوي فيها مميزات كتير اوي انت مش محتاج المميزات دي أصلاً.
ولو لسه هتجرب ال cycling هنا عموماً وتشوف هيمشي معاك ولا لأ الأفضل تجيب عجلة مستعملة الأول تجرب فيها عشان لو ماعجبكش الحوار تبيعها تاني وماتبقاش خسرت فيها كتير.
لو هنشتري عجلة مستعملة نبص على الفرامل هل كويسة ولا بنحتاج ندوس جامد اوي عشان تقف و الوايرز بتاعتها كويسه ولا لأ ، و الجنزير مشدود و ماسك مكانه كويس ولا loose.
نتأكد إن مقاس العجلة مناسب ل طول الشخص اللي هيركبها لأن ده هيساعدك تتحكم فيها كويس ف هتبقى أأمن ليك. في محلات عجل ممكن يقيسوا طولك ويقولولك مقاس العجلة المناسب ليك.
طبعاً مهم نجيب helmet عشان الأمان وفي mittens (جوانتي بدون صوابع) عشان كف الايد.
من أشهر المحلات اللي بتبيع عجل هنا ف انجلترا
Evans Cycles
Decathlon
Halfords
هالفورد عندهم تقسيط على ٣ شهور بدون أي فوايد هتختار الدفع عن طريق Klarna
Kommentare