Klarna

Klarna

أبلكيشن كلارنا ممكن تشتري من خلاله بالتقسيط وتستخدمه كوسيلة للدفع أونلاين أو في المحلات

في طريقتين للدفع بكلارنا :

1️⃣ إما تقسط على ٣ أقساط بدون أي فوائد كل قسط واللي بعده بينهم شهر يعني تدفع تلت ثمن المشتريات وقت الشراء والتلت التاني بعد شهر و التلت الأخير بعد شهر كمان.

2️⃣ الطريقة التانية إنك تأجل الدفع شهر يعني تشتري دلوقتي وماتدفعش أي حاجة وبعد شهر تدفع المبلغ كامل و الطريقة دي حلوة لو في احتمال إنك ترجع الحاجة اللي هتشتريها لأن مش هتحتاج تدفع فلوس خالص يعني لو طلبت الحاجة وبعد ما وصلت ماعجبتكش ورجعتها خلاص كده هيخصموا القسط اللي هتدفعه بعد شهر ده ومش هتدفع حاجة خالص. أو لو مثلاً حاجة محتار ف لونها أو مقاسها هات كل الأوبشنز اللي محيراك تقيسها وتشوفها ع الطبيعة وبعدين رجع كل اللي مش عاجبك من غير ما تدفع عليه حاجة وبعدين ادفع ع الحاجات اللي هتحتفظ بيها بس.

- في محلات كتير partners مع كلارنا يعني وانت بتعمل checkout ع الموقع لو بتشتري أونلاين هتلاقي اوبشن pay with Klarna ولو بتشتري من المحل كمان ممكن تقولهم ع الكاشير عايز أدفع ب كلارنا وخلاص مابتدفعش حاجة ف المحل نفسه.

ممكن تشتري بيه حاجات كتير جداً زي عفش ، أجهزة كهربائية ، قطع غيار عربيات ، عجله مثلاً حتى اللبس و البرفيوم وأدوات التجميل والألعاب وكل حاجة تقريباً.

أشهر المحلات ال Partners

H&M / Halfords / Wayfair / Nike / JD Sports / The Range / The perfume shop / Pandora / Ray-Ban / River Island / Monsoon / Clarks / Calvin Klein / Tommy Hilfiger / Michael Kors / Ralph Lauren / Modanisa / SHEIN / ASOS وغيرهم كتير

- في كمان محلات ممكن تزود مدة التقسيط على سنه أو أكتر بس بتبقى ب فوايد زي halfords مثلاً ممكن تحجز عندهم MOT and Service للعربية وتقسط المبلغ على سنه تدفع كل شهر ١٠ باوند مثلاً أو ممكن تقسطه على ٣ شهور بدون فوايد عادي.

- كمان ضافوا أوبشن جديد إن حتى لو عايز تشتري من مواقع أونلاين مش partner معاهم ممكن يدوك virtual card زي كارت البنك بالظبط بس بيستخدم مرة واحدة أونلاين فقط ، تحط فيه المبلغ اللي يغطي الحاجات اللي هتشتريها وتشتري بيه أونلاين وتقسط المبلغ اللي هتدفعه (اللي حطيته في الكارت واستخدمته) على ٣ أقساط بدون فوايد برضه. الطريقة: بتدخل على أبلكيشن كلارنا وتعمل سيرش ع الموقع اللي عايزه وتفتحه وتحط الحاجات اللي هتشتريها ف الباسكت وتعرف تمنها كم بالدليڤري ، هتلاقي في الشريط اللي تحت في النص مكتوب Pay K اضغط عليها و اختار Create a One-time Card و امشي مع الخطوات.

في مواقع كتير جداً ممكن تشتري منها بالكارت ده زي Asda / Aldi / Tesco / Morrison’s / Boots

حتى Amazon و ebay و ممكن كمان تدفع بيه لتذاكر طيران أو قطر من Trainline و Ryanair مثلاً أو حجز فنادق من booking وكمان بعض الماركات المشهورة زي Apple , IKEA , Gucci , Kurt Geiger , Hugo Boss , Harrods وغيرهم كتير.

- ممكن كمان تعمل شوبينج من الأبلكيشن بتاعهم نفسه وهتلاقي فيه أوفرز من برندات مختلفة.

- الأبلكيشن آمن جداً وما بيأثرش على الكريدت سكور.

- شروط الاشتراك إنك تكون أكبر من ١٨ سنة وعايش في ال UK ولازم تدفع الاقساط في مواعيدها عشان تقدر تستمر في استخدام الأبلكيشن. هم بيبعتوا ايميل يفكروك قبل ميعاد القسط بشويه.

لو اتأخرت في دفع الأقساط ممكن يضيفوا ع المبلغ فوايد وممكن طبعاً يرفضوا أي عملية شراء تعملها من خلالهم بعد كده.

- عملوا كمان Klarna Card تقدر تقدم عليه من الأبلكيشن حالياً وتستخدمه للدفع زي أي كارت بنك في المحل أو أونلاين والمبلغ اللي اشتريت بيه تدفعه لكلارنا بعد ٣٠ يوم بدون فوايد وممكن بعد ٣٠ يوم تزود المدة كمان. عشان تقدم على الكارت لازم تكون أكبر من ١٨ سنه وعندك عنوان في ال UK و دخلك السنوي مش أقل من ١٢ ألف و استخدمت كلارنا قبل كده ع الأقل مره واحده و دفعت ف ميعادك.

- كلمة Klarna في اللغة السويدية معناها صافي clear

- لو نزلتوا الأبلكيشن من خلال اللينك ده 👈🏼 https://invite.klarna.com/gb/ak3bg727/default-gb

هتاخدوا هدية gift card من أمازون بقيمة 10£ هيتبعتلكم على الإيميل اللي هتسجلوا بيه

هابي شوبينج 🛍

#انجلترا_وسنينها