Free Prints 🎞
- Rahma Mahdy Agha
- Feb 13, 2021
- 1 min read
FreePrints
ده أبلكيشن لطباعة الصور 📸
بيطبعلك كل شهر ٤٥ صورة مقاس ١٠ ف ١٥ سم ببلاش
بحد أقصى ٥٠٠ صورة في السنة.
بتدفع بس ثمن الدليفري اللي هو من ١.٥ باوند ل ٤ باوند أقصى حاجة على حسب عدد الصور اللي هتطبعها.
ولو عملت refer لأصدقائك تاخد ٥ صور زيادة كل شهر على كل صديق يعمل أوردر فعلاً. وممكن تزود عدد الصور أو تكبر حجمها وتدفع زيادة.
في كمان أبلكيشن تاني تبعهم بيطبع Photobooks كل شهر ليك ألبوم ببلاش مقاس ٥ x ٧ انش. فيه ٢٠ صفحة كل صفحة ممكن تطبع فيها لحد ٦ صور. ال cover بتاعه soft زي بتاع المجلات كده. وبتدفع الدليفري بس اللي هي حوالي ٦ باوند.
لو عايز الغلاف hard زي المجلدات بتدفع زيادة ولو عايز تزود عدد الصفحات برضه ممكن وتدفع زيادة. وأحياناً بيعمل offer على الدليڤري كمان بتبقى أقل وأحياناً بيديك الحجم الأكبر hard cover ببلاش كمان انت وحظك بقى.
ده لينك أبلكيشن الصور
و ده لينك أبلكشن ال Photobooks
ليهم كمان ٢ أبلكيشنز تانيين بس أنا شخصياً ماجربتهمش
واحد لطباعة ال tiles كل شهر تطبع على tile ببلاش (اللي هو المربع اللي بيتعلق على الجدار) حجمه ٨ ف ٨ انش بتدفع الدليڤري بس برضه
و التاني لطباعة الكروت.
Comments