Daylight Saving Time (DST), or British Summer Time (BST)

التوقيت الصيفي بيخلص آخر يوم أحد Sunday في شهر أكتوبر الساعة ٢ الصبح بنرجع ساعه يعني نخليها ١ صباحاً.

طبعاً لما بنغير الساعة وقت شروق وغروب الشمس بيتغير -بيتغير كرقم يعني- وبالتالي أوقات الصلاة بتتغير. خلال التوقيت الصيفي الليهو من آخر شهر مارس لآخر شهر اكتوبر النهار بيكون طويل جداً والليل قصير والتوقيت الشتوي العكس النهار بيكون قصير جداً والليلطويل ف بيكون الصيام أسهل بكتير في التوقيت الشتوي اللي هو من آخر أكتوبر لآخر مارس وخصوصاً في شهر ديسمبر بيكون النهارفي أقصر حالاته.

فكرة التوقيت الصيفي -أو بمعنى أصح استغلال ساعات النهار- ذكرها لأول مرة تقريباً المخترع والعالم الأمريكي بنچامين فرانكلينBenjamin Franklin سنة ١٧٨٤ بس مش بنفس شكل التوقيت الصيفي اللي احنا عارفينه حالياً. هو كان عايز الناس تصحى بدريويناموا بدري ويستخدموا ضوء الشمس بدل الشموع. وهو صاحب المقولة الشهيرة "Early to bed and early to rise, makes a man healthy, wealthy, and wise"

أول فكرة قريبة من التوقيت الصيفي اللي نعرفه حالياً كانت من عالم حشرات نيوزلندي اسمه جورچ هدسون George Hudson قدماقتراح لاستغلال ساعتين من وقت النهار لجمعية الفلسفة في نيوزلندا تقريباً سنه ١٨٩٥ -عشان كان محتاج الساعتين دول يلم فيهمالحشرات- ولما لقاهم مهتمين بالفكرة قدم اقتراح تاني سنة ١٨٩٨ بس مفيش حاجة اتنفذت بالفعل، ويقال انهم ماكانوش مهتمين بالفكرة ولاحاجة بالعكس كانوا شايفين مالهاش داعي.

و في بريطانيا أول اقتراح للتوقيت الصيفي ظهر في أوائل القرن العشرين حوالي ١٩٠٧ لما ويليام ويليت William Willett نشر بامفلتبعنوان "The Waste of Daylight" عشان كان زعلان اوي على ساعات النهار اللي بتضيع في الصيف والناس نايمين، لأنه كان راجلرياضي يصحى بدري يركب خيل ويلعب جولف وكده. اقتراحه كان تقديم الساعة ٨٠ دقيقة على مراحل، كل أسبوع عشرين دقيقة كل يومأحد في ابريل، ونعكس في سبتمبر. وعمل مشروع قانون والبرلمان البريطاني ناقشه سنة ١٩٠٩ واترفض. و ويليام مات قبل ما يشوفالفكرة بتاعته بتتنفذ.

وفي سنة ١٩١٦ بعد وفاة ويليام بسنه تقريباً وأثناء الحرب العالمية الأولى ، ألمانيا أصبحت أول دولة تطبق التوقيت الصيفي Daylight Saving Time عشان يوفروا الطاقة أثناء الحرب. بعدها بأسابيع بريطانيا قلدتها و دول تانية كمان. وبعدها بكم سنة دول أكتر نفذته.

في أثناء الحرب العالمية الثانية بريطانيا عملت توقيت صيفي دبل مؤقتاً British Double Summer Time يعني بدل ما بيقدموا ساعةواحده بقوا يقدموا ساعتين على توقيت جرينتش، وفي الشتاء بيقدموا ساعة على توقيت جرينتش عشان يزودوا الانتاج. ولما الحرب خلصترجعوا زي ما كانوا. وبعدها بكم سنة رجعوه تاني من خلال trial كانوا بيعملوا تجربة كده عشان يقارنوا معدل الحوادث والجريمة بالليلوبالنهار استمرت التجربة دي حوالي ٣ سنين وبعدين البرلمان صوت لانهاء التجربة و وقفوها فعلاً.

قانون التوقيت الصيفي The British Summer Time Act المعمول بيه حالياً تم في ١٩٧٢ واللي بينص على تغيير الساعة آخر يومأحد في مارس الساعة ١ صباحاً نقدمها ساعة تبقى ٢ وآخر يوم أحد في اكتوبر الساعة ٢ صباحاً نأخرها ساعة تبقى ١ ص. بعد عشرينسنة تقريباً سنة ١٩٩٥ دول تانية في الاتحاد الأوروبي اتفقت على تغير الساعة مع بريطانيا والاتفاق ده مازال معمول بيه حتى بعد مابريطانيا خرجت من الاتحاد الأوروبي. و سنة ٢٠٠٢ الاتحاد الأوروبي نفسه فرض على كل الدول الأعضاء انهم يغيروا الساعة زي بريطانياماعدا أيسلندا لانها في الشمال أوي والنهار والليل عندهم مختلف جداً طول السنة.

في سنة ٢٠١٩ المفوضية الأوروبية European Commission اقترحوا انهاء تغيير الساعة في دول الاتحاد الأوروبي والبرلمان الأوروبيوافق بالفعل والخطة كانت انهم يغيروا الساعة آخر مره ف ٢٠٢١ لكن لحد دلوقتي لسه ما اتنفذتش لانهم منتظريين موافقة مجلس الاتحادالأوروبي Council of the European Union تقريباً الكورونا عطلتهم.

حالياً في حوالي ٧٠ دولة في العالم بيغيروا الساعة معظمهم في أوروبا وأمريكا لأن الدول القريبة من خط الاستواء فرق النهار والليل خلالالسنة عندهم قليل أصلاً ف مش هيستفيدوا من تغيير الساعة.

مع ذلك، فوائد التوقيت الصيفي دايماً موضع نقاش وجدال من أول ما بدأ. وفي حملات كتير اتعملت عشان يتلغي بس البرلمان مش بيوافقعليها.

لأن في أقصى شمال بريطانيا زي اسكتلندا مثلاً الشمس هتشرق متأخر جداً والطلبه كده هيروحوا المدارس في الضلمة ومعدل الحوادثوالوفيات ممكن يزيد.

في المقابل يزعم أن مزاياه هي تقليل استهلاك الطاقة لأن ساعة النهار الزيادة في الشتاء هتقلل استهلاك التدفئة والإضاءة -طبعاً دهمابيحصلش- وتقليل الحوادث اللي غالباً بتحصل بالليل. وساعة الليل الزيادة الناس بتخرج وتسهر وتصرف ف بيزود دخل السياحة.

في الحضارات القديمة بقى الوضع كان أحسن كتير كان عندهم التوقيت الشمسي. كانوا بيظبطوا الساعة على الشمس والساعة ماكنتشعدد دقايق ثابت زي دلوقتي، كانوا بيقسموا وقت النهار بالتساوي على ١٢ ساعة. ف الساعة في الصيف كانت أطول من الساعة فيالشتاء.

طبعاً حالياً الموبيلات والساعات السمارت وأي جهاز متصل بالانترنت بيغير الساعة اتوماتيك. بس ماتنسوش تغيروا ساعات الحائط والمكتب.

كل صيف وأنتم بخير 🌚