Nurseryمرحلة ال 👧🏻🧒🏻

النيرسري هي بداية رحلة التعليم في انجلترا وهي مرحلة مش إجبارية على فكرة يعني لو مش عايز تدخل أولادك نيرسري خالص مفيش أدنى مشكلة.

في بوست سابق ذكرت مراحل التعليم إجمالاً https://www.facebook.com/100063811865825/posts/241681144635613/?d=n

والبوست ده أول البوستات التفصيلية ان شاء الله.

— النيرسري مش من المراحل المجانية تماماً.

عشان أولادك ياخدوا ساعات مجانية في النيرسري أو الchildcare عموماً لازم يكون سنهم مش أقل من سنتين.

— في ناس ممكن تاخد childcare مجاناً لطفل عمره سنتين بشروط معينة زي إنهم يكونوا بياخدوا benefit أو لاجئين أو دخلهم السنوي أقل من مبلغ معين أو الطفل يكون من ذوي الاحتياجات الخاصة. الشروط كلها هتلاقوها في اللينك ده https://www.gov.uk/help-with-childcare-costs/free-childcare-2-year-olds

— كل طفل وأي طفل عمره يكمل ٣ سنين من حقه يحصل على ١٥ ساعة في الاسبوع مجاناً لمدة ٣٨ أسبوع يعني ٥٧٠ ساعة في السنة. (غالباً بتكون خلال أسابيع الترم مش ف الاجازات) ومفيش أي شروط عشان الطفل يحصل على ال ١٥ ساعة دول.

طريقة التقديم بتكون من خلال النيرسري نفسها مباشرة يعني بتدور في منطقة سكنك على أي نيرسري تعجبك (أو أي registered childcare provider مش شرط نيرسري ممكن childminder مثلاً) بس لازم تتأكد انهم registered for the 15 hours funding (لأن في أماكن بتبقى برايڤت بس، يعني لازم تدفعلهم)، عشان تقدم بيحتاجوا شهادة الميلاد فقط وبتملى أبلكيشن عندهم وهم بيبعتوا الأبلكيشن للكونسيل. الأفضل تقدم قبل ما الطفل يكمل ٣ سنين بشويه حوالي شهر مثلاً وممكن تقدمله في أي وقت من السنة مش شرط تنتظر لأول سبتمبر ولا أول ترم ولا حاجة.

ال ١٥ ساعة بيتقسموا حسب نظام النيرسري اللي مقدم فيها، في أماكن بيقسموها ٣ ساعات على ٥ أيام، في أماكن تانية بيقسموها يومين كاملين ونص. في أماكن كمان بتسمحلك تسيب الطفل مدة أطول وتحاسبهم على الساعات الزيادة.

معظم الnurseries لما بيقبلوا الطفل بيعملوا زيارة منزلية يعني بيروحوا يزوروا الطفل في بيته الأول، قبل ما يبدأ يروح النيرسري عندهم. غالباً عشان يتأكدوا من عنوان سكنه. وبيتعرفوا على الطفل ويعرفوه بنفسهم وبيسألوا الأم أو الأب شويه أسئلة وبيجاوبوا على أسئلتكم برضه وبيدوكم ورق كتير كده تمضوا عليه فيه كل اللوائح والارشادات وخلاص (مجرد إجراء روتيني يعني).

— في بعض الأطفال كمان من حقهم ٣٠ ساعه في الاسبوع مجاناً من سن ٣ سنوات بس دي ليها شروط بقى. لازم يكون معاك جنسية أو إقامة أو يكون معاك access to public funds. كمان بيتوقف على شغل الأب والأم و دخلهم وشروط تانيه تقدروا تعرفوها كلها من اللينك ده https://www.gov.uk/30-hours-free-childcare

التقديم على ال ٣٠ ساعة المجاناً بيكون أونلاين من اللينك ده https://www.gov.uk/apply-30-hours-free-childcare ولما تقدم ويلاقوا إنك فعلاً eligible بيبعتولك كود تديه للنيرسري وخلاص.

— في على موقع الحكومة زي آله حاسبة كده هيسألك على معلومات زي (عايش فين، وسن الطفل، وعندك partner ولا لأ، وشغالين ولا لأ، وساعات العمل بتاعتكم، وبتاخدوا أي بنفيت ولا لأ، وعمركم، ودخلكم الأسبوعي) وبعدين هيقولك إذا من حقك تاخد أي مساعدات لل childcare عموماً.

https://www.gov.uk/childcare-calculator

— كل ما سبق ينطبق على انجلترا، في بعض الاختلافات في اسكتلندا و ويلز و أيرلندا الشمالية.

— لو قررت إنك مش عايز تدخل أولادك نيرسري أصلاً ممكن تبدأ تعلمهم في البيت. هم في السن ده بيبدأوا يعلموهم phonics يعني ازاي ينطقوا الحروف وازاي يمسكوا القلم وحاجات بسيطة جداً يعني. في مواقع ممكن تساعدك زي

Topmarks, Twinkl, Oxford Owl, Ladybird Education

وكتب زي Collins و CGP وغيرها كتير ممكن تلاقيهم في The Works أو WHSmith مثلاً أو أونلاين على أمازون.

— أنا شخصياً أنصح بشدة إن الطفل مايقعدش في البيت. الأفضل يختلط بأطفال من سنه لأن ده مهم لنموهم النفسي والاجتماعي جداً خصوصاً في السن الصغير ده.

وممكن كمان لو الطفل أقل من ٣ سنين ومالوش ساعات مجانية تقدروا تسألوا في أقرب children centre ليكم على play groups بتبقى sessions مجانية، غالباً بتبقى يوم واحد في الاسبوع، وبيحضر الطفل مع والده أو والدته عشان يشوف أطفال من سنه ويلعب معاهم وكده.

ياريت تشاركونا في الكومنتات بخبراتكم مع أولادكم في المرحلة دي

هل ب تتابعوا معاهم مذاكرة في البيت من أي كتب أو مواقع تنصحوا بيها ؟

هل واجهتوا أي مشاكل في التقديم على الساعات المجانية ؟

ولو بتدفعوا لل childcare ياريت تدونا فكرة عن الأسعار في مدينتكم.

#انجلترا_وسنينها