🏠 أنواع المنازل في انجلترا 🇬🇧

Rahma Mahdy Agha
Feb 19, 2021
3 min read

نقدر نقسمهم ل نوعين كبار شقق وبيوت

كل نوع بيندرج تحته أنواع تانية

في المجمل كلهم ١٠ أنواع

‏١ ) Flats / Apartment

الشقق العادية اللي هي دور واحد مالهاش ملحقات ، ممكن فيها بلكونه ، موجودة في مبنى فيه شقق تانية (مش شرط يكون عماره)

‏٢ ) Studio Flat

شقة كلها مفتوحة ف بعض مفيهاش أي غرف مقفولة ، مفيهاش أي أبواب جوه غير باب الحمام 😅 بتبقى مطبخ مفتوح ف ليڤينج مفتوح على سرير وحمام بس كده. ف هي عملياً مش شقة هي أوضة كبيرة.

طبعاً مش مناسبة للأسر ولا حتى ال couples 😂 هي عايزة حد عايش لوحده مناسبة لطلبة الجامعات اللي مش عايزين يعيشوا ف سكن مشترك

‏٣ ) Maisonettes

اللي هي بنسميها دوبلكس ف مصر

‏2Storey Flat شقة دورين فيها سلم داخلي

بتكون في مبنى مشترك مع شقق تانية بس ليها مدخل لوحدها و ده اللي بيميزها عن الدوبلكس لكن التسمية مؤخراً بقت أحياناً تشمل النوعين اللي ليها مدخل منفصل واللي مالهاش

‏٤ ) Converted Flats

دي كانت بيت واتقسم نصين بالعرض بقى شقة فوق وشقة تحت. مفيش أي خصوصية لأن البيت مش مبني على أساس إنه يتقسم ف الصوت والحركة بيبقوا مسموعين جداً

‏٥ ) Terraced House

ده بيبقى صف بيوت كتير لازقين ف بعض كلهم نفس الشكل

كل بيت جدرانه مشتركة مع الجيران من الناحيتين يعني مانعليش صوتنا 🤐

بيبقى دورين و ضيق نسبياً من جوه وال backyard بتاعته صغيرة

وغالباً مش بيبقى في driveway ل ركن العربية ف بتضطر تركنها قدام البيت ع الرصيف و ده بيعلي التأمين بتاع العربية سيكا

آخر بيت ف الصف بيبقى اسمه End of terrace و ده الوحيد اللي بيكون فيه الجدران مشتركة مع الجيران من ناحية واحدة

‏٦ ) Semi-detached House

الحل الوسطي الجميل 😂

اللي بنسميه ف مصر twin house هو بيبقى بيت مشترك مع البيت اللي جنبه في جدار واحد من ناحية واحدة

يعني ممكن نعلي صوتنا شويه عادي 😅

غالباً بيبقى دورين بس ممكن يبقى 3Levels

ميزته إنه متوفر للإيجار والشراء كمان يعني موجود كتير نسبياً في معظم المدن و واسع شويه من جوه عن ال terraced و ال backyard بتاعته أوسع برضه

وغالباً بيبقى في driveway قدامه ل ركن العربية

‏٧ ) Detached House

ال big boss 😎

بيت مستقل بذاته

أكثر خصوصية

مفيش أي جدران مشتركة مع أي حد

دورين أو أكتر

وطبعاً بيبقى قدامه مكان ل ركن أكتر من عربية و له backyard كبيرة وأحياناً بيكون فيه ملحقات تانية كمان

هو أشبه بمسمى الڤلل عندنا ف مصر

مش موجود كتير زي ال semi-detached وأحياناً لما بيبقى كبير أوي ٦ غرف أو أكتر مثلاً بيتأجر بالغرفة للطلبة أو السناجل

‏ ٨ ) Bungalows

هو بيت detached بس دور واحد

يعني بيت عامل نفسه شقة 😂

أحياناً بيبقى فيه loft فوق

‏٩ ) Cottage

هو ترجمته الحرفية كوخ بس هو بيت صغير بيبقى دور واحد ف الأغلب وأحياناً بيبقى في دور تاني أصغر

طب ايه اللي يفرقه عن البيوت العادية ؟ حاجتين ١ مكانه : بيبقى ف أماكن ريفية أو شبه ريفية ٢: طريقة بناؤه بيستخدموا حاجات تخليه أدفى لأنه غالباً بيكون ف مناطق باردة، جدرانه سميكة ، شبابيكه صغيرة ، سقفه منخفض

وغالباً بيستخدم ك مكان لقضاء الاجازات

‏١٠ ) Mansions

قصر

أكبر وأغلى نوع فيهم كلهم

غرف كتير ، أدوار كتير ، حديقة كبيرة ، جراچ كبير ، حمام سباحة أو أكتر

كفاية بقى 😂

طيب نلاقيهم فين دول بقى كلهم

في كذا موقع وأبلكيشن للعقارات عموماً سواء بيوت ، أراضي ، مزارع وغيره

معروض عليهم حاجات كتير للبيع أو الإيجار

ممكن تاخدوا فكرة عن الأسعار في أي منطقة بإنكم تعملوا سيرش على الموقع ب اسم المنطقة

من المواقع دي :

Zoopla