Tesco Clubcard
- Rahma Mahdy Agha
- Jan 21, 2021
- 3 min read
Updated: Jul 25, 2023
Tesco Clubcard
نظام تسكو كارد ببساطة هو انك بتشتري حاجات > تاخد عليها points > بتجمعها > بتتحول ل voucher > تصرفه على حاجات تانية و لفي بينا يا دنيا 😂
- غير البوينتس كمان بيبقى في offers في المحل متاحة فقط للمشتركين بمجرد ما بتعمل سكان للكارت وانت بتحاسب بتستفيد منها وتقدر تعرف كل ال offers من الأبلكيشن.
- كمان بيبعتولك كوبونات كل فترة ف البريد بتبقى خصومات على منتجات معينة وبيبقى ليها مدة صلاحية تقدر تستخدمها فيها.
- لما بتشترك أونلاين بيبعتولك كارت و key fob عبارة عن كارت مصغر بيتعلق في ميدالية المفاتيح وممكن تديه لحد تاني من أفراد الأسرة عشان كل واحد يبقى معاه كارت.
- على ما الكارت يوصل في البريد ممكن تنزل الأبلكيشن وتعمل sign in هتلاقي الكارت موجود عليه وتقدر تعرف منه جمعت كم بوينت وحاجات تانية كتير.
- الحاجات اللي ممكن تجمع منها بوينتس:
• أي حاجة بتشتريها من تسكو سواء من المحلات، أونلاين، تسكو موبايل أو تسكو بنك بتاخد بوينت واحدة على كل باوند تصرفه.
* بنزين تسكو بتاخد بوينت على كل ٢ باوند.
* بنزينات Esso اللي قدام فروع تسكو هتاخد بوينت واحدة على كل ٣ باوند تصرفهم.
* لو شاركت في survey ع الموقع بتاعهم بتاخد ٢٥ بوينتس.
* ممكن كمان تجمع بوينتس لما تشارك في survey على موقع Shopper Thoughts.
بمجرد ما تعمل سكان للكارد أو للأبلكيشن وانت بتحاسب البوينتس بتُضاف لحسابك أوتوماتيك.
- كل ما تجمع ١٥٠ بوينتس بتاخد ڤاوتشر ب ١ باوند ونص. بعد ال ١٥٠ بتاخد نص باوند على كل ٥٠ بوينت. والڤوتشر بيبقى مدة صلاحيته غالباً سنتين.
- في ٣ أنظمة لتحويل البوينتس voucher schemes بتختار واحد فيهم بس يبقى هو النظام بتاعك وتقدر تغيره من الأبلكيشن.
١) أول اختيار هو vouchers و ده لما بتختاره؛ البوينتس بتتحول أوتوماتيك كل ٣ شهور لڤاوتشر (لو كملت ع الأقل ١٥٠ بوينت) وبيبعتوه في البريد وبتلاقيه ع الأبلكيشن برضه. والبوينتس الزيادة بتترحل ل الڤوتشر اللي بعده يعني لو معاك ١٧٧ بوينت آخر ال ٣ شهور هيحولولك ال ١٥٠ ويسيبوا ال ٢٧ تكمل عليهم. لو مش عايز تستنى لحد ماهم يتحولوا أتوماتيك ممكن تحولهم ف أي وقت لڤوتشر من الأبلكيشن أو من الموقع وخلال ٢٤ ساعة تقدر تصرفه على طول، صلاحيته تقدر تعرفها من الأبلكيشن.
٢) تاني اختيار Christmas savers ده بيحوش البوينتس لمدة سنة كاملة ويحولهم لڤوتشر في وقت الكريسماس.
٣) ثالث اختيار Virgin Atlantic Flying Club ده بيحولك البوينتس بتاعة تسكو ل Virgin Points كل ٢٥٠ تسكو بوينتس بيتحولوا ل ٦٢٥ ڤيرچن بوينتس.
في ٣ طرق ممكن تصرف بيهم الڤوتشرز :
١) ممكن تصرف الڤوتشرز في تسكو نفسه سواء في المحلات أو أونلاين أو ع البنزين بنفس تمنه.
٢) ممكن تصرفهم مع أحد ال Reward Partners. اللي هم حوالي أكتر من ٢٥٠ مكان. زي مطاعم وأماكن ترفيهية وتذاكر طيران وحجوزات فنادق واشتراك في مجلات ! على سبيل المثال وليس الحصر:
PizzaExpress
Legoland
BBC Magazine
Hilton Hotels
Madame Tussauds - Sea Life
Megabus - National Express
الجميل إن لما تصرف الڤوتشر في أحد الأماكن دي بيديك ٣ أضعاف تمنه ! يعني الڤوتشر اللي ب نص باوند بيديك ١ باوند ونص (ماعدا تسكو موبيل بيبقى ضعفين بس)
£1 in vouchers = £3 to spend
£2.5 in vouchers = £7.5 to spend
£5 in vouchers = £15 to spend
تقدروا تعرفوا كل الأماكن اللي تصرفوا فيها الڤوتشرز من الأبلكيشن أو من اللينك ده
بس خلوا بالكم إن كل مكان بيبقى عامل شروط لإستخدام الڤوتشر لازم تعرفوها قبل ما تعملوه منعاً لأي مفاجآت وممكن كمان تشوفوا ريڤيوهات على كل ڤوتشر من الأبلكيشن من الناس اللي استخدمته قبل كده.
٣) ممكن كمان تتبرع بيهم ل charity زي British Heart Foundation أو Cancer Research UK بس في الحالة دي تمن الڤاوتشر مش بيتضاعف.
تقدروا تشتركوا في ال Clubcard من الموقع ده
و ده لينك الأبلكيشن
لسه مخلصناش كلام عن تسكو نكمل في بوست تاني ان شاء الله.
ده البوست التاني Tesco Clubcard Plus
Comments