Census 2021
- Rahma Mahdy Agha
- Mar 7, 2021
- 1 min read
ناس كتير أكيد استلمت جواب بالبريد موجه ل ساكن البيت The householder ومكتوب ع الظرف census ده مش spam ولا حاجة ده من الحكومة و Census دي إحصائية تعداد سكاني بتتعمل كل ١٠ سنين.
بتدخل ع الموقع وتدخل الكود اللي ف الجواب بتاعك وتملى البيانات. وممكن تطلب انهم يبعتوها ورق لو مش عايز تملاها اونلاين.
لو ماعملتش الاحصائية أو لو اديتهم بيانات غلط دي قانونياً تعتبر جريمة وممكن تدفع غرامة ألف باوند.
يوم الإحصائية الرسمي ٢١ مارس ٢٠٢١ يعني البيانات اللي تدخلها لازم تكون صح في اليوم ده. لو هتنقل من البيت ف اليوم ده أو قبله هتملى الإحصائية للسكن الجديد، وتسيب الجواب اللي وصلك ف البيت القديم للساكن اللي بعدك يملاه.
الإحصائية بتتملي للسكن نفسه ولكل شخص ساكن فيه ولازم تذكر أي حد مقيم في بريطانيا أكثر من ٣ شهور.
المعلومات اللي بتديهالهم دي بيستخدموها عشان يقدروا يقيموا الخدمات اللي المجتمع محتاجها زي التعليم والمواصلات والصحة وغيرهم.
ومعلوماتك دي بتفضل سرية بحكم القانون لمدة ١٠٠ سنة. ومش مسموح لأي جهة تانية الإطلاع عليها، فقط للإحصائية.
اللي رمى الجواب أو ماوصلوش وعايز كود ممكن يدّخل عنوانه ويبعتوله كود من اللينك ده
في ترجمة لعدة لغات منهم العربية.
Comentarios