مدارس تعليم السباحة في ليڤربول 🏊🏼
- Rahma Mahdy Agha
- Oct 2, 2023
- 3 min read
أنا كنت بدور لأولادي على مدرسة سباحة وعملت بحث مكثف ف قلت ممكن تستفيدوا منه 😄
دي كل الأماكن اللي لقيتها وأسعارها وعناوينها
💧 Swim Academy Liverpool
أرخص حاجة طبعاً اللايف ستايل
بس مشكلتهم إن معظم الفروع مفيش أماكن متاحة
الكورس للأطفال ١٦ اسبوع ب 80£ أو الشهر ب 20£
في كمان كورسات تعليم سباحة للكبار الكورس ١٦ اسبوع ب 96£ أو الشهر ل 24£
💧University of Liverpool Sports and Fitness Centre
تاني أرخص حاجة للأطفال جامعة ليڤربول
الكورس ١٢ اسبوع بيبدأ من 55£ حسب المرحلة
في كمان حصص تعليم سباحة ل الكبار الكورس بيبدأ من 76£ تقريباً حسب المرحلة برضه beginner أو أعلى بيبقى أغلى
💧 Volair
ده نادي له كذا فرع وفي بعض الفروع فيها حصص لتعليم السباحة ف L36 , L28 , L26 , L32
السعر حسب طريقة الدفع لو هتدفع ديركت ديبت هيبقى الشهر بحوالي 25£ وكمان الاشتراك بيشمل السباحة بدون تعليم يعني ممكن تروح ال pool تسبح مع نفسك في أي وقت غير أوقات الحصص
لكن لو هتدفع بالكورس هيبقى سعر الكورس ١٠ حصص ب 64£
في كمان حصص للكبار الحصة ب 8£ تقريباً
💧 Swim Sound
عندهم كذا مكان L7 , L11 , L12 , L13 , L19 هتلاقوا العناوين بالظبط ع الموقع
كورس تعليم الأطفال ٧ حصص ب 70£
وممكن تبدأوا ف أي وقت مش لازم تنتظروا الكورس يبدأ من الأول يعني لو باقي حصتين بس في الكورس اللي شغال حالياً هتدفع 20£ بس ل الحصتين الباقيين ولما يخلصوا تبدأ الكورس الجديد تدفعه كامل ف هتكون فرصه كويسه انكم تجربوه الأول قبل ما تقرروا تكملوا ولا لأ
عندهم كمان تعليم سباحة للكبار سعرها ضعف الأطفال تقريباً
💧 Star Swimming Academy
عندهم كذا مكان برضه اتنين ف ليڤربول L18 و L10 و واحد ف Southport واحد ف Ormskirk واحد ف Leigh
الكورس ب 45£ ٦ حصص وفي فروع ب 48£ ده سعر الجروب وعندهم برضه طفل واحد مع المدرب 1-2-1 أو طفلين بس 1-2-2 بيكون أغلى هتلاقوا الأسعار كلها ع الموقع
عندهم برضه تعليم سباحة للكبار في بعض الفروع وبنفس سعر الأطفال
💧Total Swimming
الشهر ب 46£
أماكنهم L12 , L15 , L35
💧Swim Baby
الشهر ب 46£
مكانهم ف L24 و L15 و L12 و L35 و L39 وعندهم فروع تانيه كتير بره ليڤربول مثلاً ف شستر و وارينتون و ويدنز وغيرهم
💧Angie’s Swim School
٤ حصص ب ٤٠ باوند في الجروب
وفي 1-2-1 و 1-2-2 أغلى طبعاً
مكانها ف Broadgreen International School L13
💧Calderstones Swimming Academy
الحصة ب 7.5£
ولو هتحجز كورس 6 أسابيع هيبقى ب 45£ للكورس كله
ولو هتدخلوا ف نص الكورس هيحاسبوكم ع الحصص اللي باقيه بس
مكانهم ف مدرسة Calderstones ف L18
💧 Liverpool Swimming
عندهم حصص لكل الأعمار
- الأسعار بتبدأ من 39£ في الشهر ده لو في جروب
في حصص برضه 1-2-1 ب 100£ في الشهر
و 1-2-2 ب 120£ في الشهر
- في كمان حصص للأطفال الصغيرين من عمر سنتين ونص تقريباً ب 10£ في الحصة بس لازم تدفع ١١ شهر على بعض
- في عندهم كمان كورس مكثف في الصيف أسبوع ٥ أيام ورا بعض ب حوالي 50£
- مكانهم ف كروسبي L22
💧ABC Swimming School
الكورس ٤ حصص ب 40£
مكانهم West Derby L12
💧Swimabout
الكورس ١٥ حصه ب 157.5£
ولو هتدخلوا ف نص الكورس هيحاسبوكم ع الحصص اللي باقيه بس، الحصة الواحدة ب 10.5£
وعندهم برضه حصص برايڤت 1-2-1
مكانهم West Derby L12
💧Neil Thomson Swimming
ده هو مدرب واحد
بيعلم الأطفال ف مدرسة ف L9
بيعلم الكبار كمان بس في أماكن تانيه
وبيعمل كمان 1-1 Open water swimming training للكبار
💧Aquafinity Swimming
دول ماعندهمش تعليم في جروب
كل مدرب معاه طفل أو طفلين فقط
أسعارهم
£22.50 for a 1-2-1
or £30 for a 2-2-1 session
ده سعر الحصة الواحدة
عندهم مكانين واحد ف السيتي سنتر و التاني ف Mossley hill
💧Water Babies
المدرسة دي ل البيبيهات من زيرو ل ٥ سنين
💧 جميع الحصص في جميع المدارس دي نص ساعه ٣٠ دقيقة
لو لاحظتوا هتلاقوا في عناوين مشتركة يعني في أكتر من مدرسة سباحة بيأجروا نفس ال pool وغالباً الpool بيكون ف مدارس ثانوي. ف شوفوا أقرب مكان ليكم وقارنوا بين المدارس اللي بتأجره لو في أكتر من واحده.
أنا طبعاً ف الآخر اخترت أقرب واحد لبيتي عشان نروح مشي 😅
💧 مهم تعرفوا أولادكم ف أي مرحلة
هتلاقوا ف اللينك ده وصف لكل مرحلة والمهارات اللي المفروض يتعلموها فيها
اللي يعرف مكان تاني غير اللي ذكرتهم أو عنده أبديت عن الأسعار أو الأماكن يقولنا في التعليقات من فضلكم
コメント