أغرب متحف دخلته في بريطانيا !!

من فترة كنت بكلم واحده صاحبتي وبنتريق على كمية المتاحف اللي ف بريطانيا عموماً ولندن خصوصاً

ف بقولها مش ناقص غير يعملوا متحف لل 💩💩💩

المشكلة إن بعد كم شهر من مكالمتنا دي اكتشفت إن فعلاً في متحف اسمه المتحف القومي للبراز 😂 آه والله زي ما قرأتوا كده بالظبط 😂

National Poo Museum 💩

المتحف موجود في بريطانيا في جزيرة تابعه ل انجلترا اسمها Isle of Wight كنا رايحين نصيف هناك وقلت لازم أدخل المتحف ده ، كان عندي فضول رهيب أشوف فيه ايه و لدهشتي لقيت الدخول ب رسوم كمان 😂 يعني هندفع فلوس عشان ندخل نتفرج ع البو 😂

رسوم الدخول للكبار 5£ والأطفال 2.5£ والأطفال أقل من ٥ سنوات ببلاش

فاتحين كل يوم من ١٠ ل ٤ لحد سبتمبر بيقفلوا طول الشتا.

المتحف interactive يعني في حاجات تعملوها مش بس تتفرجوا، وتعليمي إلى حد ما.

أول ما بتدخلوا بتلاقوا Bristol Stool Scale

ده جدول كده بنستخدمه للعيانين عشان نعرف عندهم امساك أو اسهال 😂

هتلاقوا تحته برطمانات قدام كل درجة وتشوف انت عملت ايه النهارده امساك ولا اسهال وتحط كوره ف البرطمان اللي قدام الدرجة بتاعتك 😂

بعد كده في الصورة دي جزء interactive برضه

عن الحاجات اللي ممكن تسد التواليت أو مجاري الصرف الصحي متعلقه على الجدار وجنبها handles كده بتشدها ترفع غطا التواليت وتلاقي اجابة السؤال تحت الغطا 😷

في جزء برضه بتشم ريحة وتخمن هي ريحة ايه من الحاجات اللي مكتوبه على السبورة 🤥 مش ريحة بو ماتخافوش 😂

في جزء بقى عارضين فيه عينات براز من كائنات مختلفه من ضمنهم الانسان طبعاً 😂 ومعلومات كتير عن براز الكائنات دي ، بعضها interesting وبعضها مقرف جداً 😷

زي مثلاً إن في حيوانات البو بتاعها بيستخدم في العطور وعندهم عينات لو حابين تشموها 🤧

في عينات كمان معروضه في دولاب كده ممكن تمسكوها 😂 لأنها بقالها آلاف السنين و تحجرت وبقت زي الحجارة والزلط بالظبط و ده يخلينا نشك إن أي حجارة ف الشارع ممكن تكون كانت بو زمان 😂

في لوحه كبيرة كمان فيها كل وسائل التنضيف بعد ما تعمل بو 😂 الحمدلله لقيت الميه من ضمنهم 😂

في قعدة حمام بلدي يا جماعه 😂

المتحف مساحته صغيرة جداً على فكره مش كبير خالص

و أصلاً كان old public toilet (حمّام عمومي) زمان 💩

أنا آسفه ع البوست اللي ريحته وحشه ده 😂

لو حابين أعملكم ڤيديو عن رحلتنا للجزيرة عموماً و المزارات السياحية اللي هناك ياريت تقولولي في التعليقات ..