Blue Light Card Membership

Blue Light Card Membership 🖲

🌀 البلو لايت كارد ده خاص بالناس اللي شغاله في خدمات الطوارئ والقطاع الصحي والاجتماعي والجيش وغيرهم ، بتعمل عضوية فيه عشان يديك خصومات وعروض. كل الفئات اللي ممكن تشترك في الصورة 👇🏼

🌀 الاشتراك بتعمله أونلاين على الموقع بتاعهم https://www.bluelightcard.co.uk/newaccount.php وبيبعتولك كارت physical في البريد وممكن تستخدم كارت virtual من الأبلكيشن برضه. عشان تشترك هتدخل بياناتك وهيحتاجوا منك اثبات إنك شغال في أحد الوظائف اللي بيقبلوها زي payslip أو صورة ال ID بتاع شغلك يكون ظاهر فيه الاسم والشركة والوظيفة وتاريخ خلال آخر ٣ شهور.

🌀 سعر الاشتراك زهيد جداً أقل من ٥ باوند لمدة سنتين. حرفياً ال ٥ باوند دول ممكن توفرهم في أوردر واحد من كنتاكي مثلاً لانه بيدي خصم ٢٠٪؜ من كنتاكي.

الكارت بيديك خصومات في محلات ومواقع أونلاين وحجوزات وخدمات كتير جداً أكتر من ١٥ ألف خصم. يعني قبل ما تشتروا أي حاجة أونلاين اعملوا سيرش ع الأبلكيشن الأول شوفوا عليها خصم ولا لأ ، ولو بتشتروا من أي محل حتى لو صغير مش شرط يكون ماركة معروفة اعملوا سيرش على اسمه ع الأبلكيشن برضه أو اسألوهم لو بيدوا خصم للبلو لايت كارد.

🌀 طريقة الاستفادة من العروض بتختلف من موقع للتاني بعض العروض هتديك كود خصم تدخله ع الموقع وانت بتشتري أونلاين ، وبعضها هتديك لينك في الأبلكيشن تدخل عليه ولازم تشتري من خلال اللينك ده عشان تستفيد من العرض ، ولو العرض في المحل نفسه مش أونلاين بيشوفوا الكارت ع الكاشير أو بتفتحلهم الأبلكيشن يعملوا سكان لباركود ، حسب المكان برضه ، في عروض بتبقى عبارة عن vouchers بتشتريها من الأبلكيشن نفسه زي السينما مثلاً عندهم ع الأبلكيشن سعر ثابت بغض النظر عن فيلم ايه أو ميعاد الفيلم بتشتري ڤوتشرز من الأبلكيشن بعدد التذاكر اللي عايزها ولما بتوصل السينما بتبدل الڤوتشرز دي ب تذاكر السينما (قارنوا الأسعار الأول من موقع السينما لأن في أفلام ومواعيد معينة ممكن تلاقوها أرخص في السينما نفسها).

🌀 بعض العروض اللي شغاله دلوقتي على سبيل المثال لا الحصر:

لبس ورياضه 👟🧥

20% Ray ban, New balance, Sports Direct, JD sports, New Look

15% River Island, SHEIN, cotsworld

10% Nike, Under Armour, Timberland, UGG, Trespass, Schuh

9% Halfords

أكل 🍕🧋

25% Pizza Hut, Zizzi

20% KFC, Bill’s, Holland & Barrett, Godiva

15% Whittard, Honeybee

10% Starbucks, Krispy kreme, Hotel Chocolat

ألعاب 🎳

15% Hamleys, 10% Disney

تجميل 💅🏻

20% The body shop ,

15% The perfume shop, The fragrance shop

10% Perfume Direct, Lloyds pharmacy

عفش 🛋

5% Happy beds, Furniture maxi

7% Bensons for beds

أجهزة (عروض مختلفة) 📱

Apple, Samsung, Huawei, hp, Ninja, Shark, Hoover

سفر وفسح 💺🏖

20% National Express , 10% Expedia

Haven , Butlins, TUI, Madame Tussauds, Sea-Life, Legoland, City Cruises, Shrek adventure, Cadbury world, Blackpool tower, Escape rooms, Cinemas

عربيات 🚘

Motorfinity, Kwik-fit, GoCompare, Tyres Direct

20% NCP car park, 25% Q-Park

🌀 في بعض العروض أونلاين بس، في بعضهم في المحل نفسه بس، هتلاقوا التفاصيل كلها ع الموقع و الأبلكيشن. طبعاً في عروض بتخلص وبينزل غيرها وهكذا.

🌀 حالياً في عروض خاصه بالبلاك فرايداي اعملوا سيرش في الأبلكيشن على Black Friday هتلاقوها كلها ولسه في عروض هتنزل يوم البلاك فرايداي نفسه 🎁

🌀 ملحوظة: أحياناً في الأبلكيشن بيكون تاريخ انتهاء صلاحية الخصم مش صحيح يعني ممكن تفتح الأبلكيشن يقولك النهاردة آخر يوم في الخصم وتدخل تاني يوم تلاقيه شغال عادي و التاريخ اتغير ف مش دايماً بيبقى دقيق في النقطة دي.

هابي شوبينج 🛍

#انجلترا_وسنينها